Псалтыр 76:5 - Коми Библия 2023

⁵ Енмӧй, Тэ он лэдз меным куньны синмӧс, ме ловнам усьӧма, ог вермы весиг сёрнитны.

Псалтыр 76:5 Referans Kwoze

Наум 3:18

Ассурса ӧксы, тэнсьыд войтыртӧ видзысьясыд узьӧны, тэнад тышкайӧзӧн веськӧдлысьясыд куйлӧны. Тэнад войтырыд разалӧма керӧсъяс пасьтала, некодлы найӧс чукӧртнысӧ.

Псалтыр 13:3

Но ставныс кежӧмаӧсь, ӧтитӧг шогмытӧмӧсь, бур вӧчысьыс абу, весиг ӧтик абу.

Еремей 51:39

Кор найӧ пузясны, Ме дасьта налы гажӧдчӧм, юктӧда найӧс коддзытӧдзныс, медым найӧ нимкодясисны, сэсся пыр кежлӧ унмовсисны, и эз нин садьмыны, – висьталӧ Господь.

Исай 46:12

Кывзӧй Менӧ, чорыд сьӧлӧмаяс, кодъяс ылынӧсь веськыдлунсьыс.

Исай 37:36

Локтіс Господьлӧн анделыс да ассурса тышкайӧзлӧн чукӧртчанінын виис сё кӧкъямысдас вит сюрс мортӧс. Асывнас ловйӧн кольӧм ассурсаяс садьмисны да аддзисны, мый гӧгӧр туплясьӧны шойяс.

Исай 31:8

Ассур войтыр шыпуртысь кулас, но оз мортлӧн шыпуртысь. Шыпурт бырӧдас найӧс, но оз мортлӧн шыпуртыс. Найӧ пышъясны шыпуртысь, но налысь зонъяссӧ уджӧдасны вот мынтӧм могысь.