Псалтыр 72:14 - Коми Библия 2023

¹⁴ Быд лун менӧ дойдалӧны, быд асыв – янӧдӧны».

Псалтыр 72:14 Referans Kwoze

Восьтӧм 19:2

Господь мыждӧ веськыда да збыльыс серти. Сійӧ мыждіс ыджыд карӧс, кырсалысь аньӧс, коді кырсалӧмнас пежаліс став мусӧ. Господь перйис водзӧссӧ тайӧ аньыслысь Аслас кесйӧгъяслӧн вирысь.

Ӧксыяслӧн 2 небӧг 4:9

Давид шуис Рекавлы да Баанлы, беротса Риммонлӧн пиянлы: «Коркӧ Сиклагын ӧти морт висьталіс меным Сауллӧн [да Ионафанлӧн] кулӧм йылысь. Сійӧ чайтіс, мый нимкодь юӧр вайӧ, но аттьӧалӧм пыдди ме босьті да вии сійӧс. А ӧні ті, лёк вӧчысьяс, виинныд мыжтӧм мортӧс аслас керкаын вольпась вылас. Ме кыв сета ловъя Господь водзын, менӧ быд лёксьыс Мездысьӧй водзын: ме тіянлысь водзӧс перъя Ишвошетлысь вирсӧ кисьтӧмысь да бырӧда тіянӧс му вывсьыс».

Восьтӧм 17:6

Ме аддзи, мый аньыс вӧлі коддзӧма вежа войтырлӧн да Исус йылысь висьталысьяслӧн вир юӧмысь. Сійӧс аддзӧм бӧрын ме ёна шензи.

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.

Ӧксыяслӧн 1 небӧг 26:21

Саул шуис: «Ме мыжа. Лок бӧр, Давид пиӧй. Ме сэсся ог кут вӧчны тэныд лёксӧ, ӧд тэ эн босьт менсьым олӧмӧс. Шогмытӧмтор ме вӧчи, нем думышттӧг».

Олӧм 48:16

Андел, коді мездіс менӧ быдпӧлӧс лёкысь, мед бурсиас тайӧ зонъяссӧ. На пыр мед нималас менам нимӧй, тшӧтш Ӧвраам да Исаак батьяслӧн нимъясыс. Насянь мед уна чужысь лоас му вылын.

Ӧксыяслӧн 2 небӧг 23:17

«Господьӧй, ме ог вермы юны тайӧ васӧ! Тайӧ – йӧзлӧн вир, найӧ дасьӧсь вӧліны воштыны олӧмнысӧ», – шуис Давид и эз кут юны. Татшӧм уджъяс вӧчисны тайӧ куим тышкамортыс.