19 Ошкӧм Сылӧн ыджыд нимлы нэмъяс чӧж! Сылӧн дзирдлуныс мед вевттяс став мусӧ! Аминь, аминь.
Ӧд Тэсянь визувтӧ олӧм, Тэнад югыдад ми аддзам югыдсӧ.
Найӧ бипурвывса увъяс кодьӧсь, ӧтияс дзоньӧсь на, мӧдъяс сотчӧны нин. Пуан пӧртйӧ биыслӧн инмытӧдз на тӧвнырыс разӧдас найӧс.
Кыдзи енэжыс ёна вылын мусьыс, тадзи Менам туйясӧй ёна вылынӧсь тіян туйясысь, Менам мӧвпъясӧй ёна вылынӧсь тіян мӧвпъясысь.
ӧд татшӧм ыджыдтор вӧчис меным Вынаыс. Сылӧн нимыс вежа!
Тэ – войтыръяслӧн Ӧксы, ставныс полӧны Тэысь, сӧмын Тэысь колӧ вежавидзнысӧ. Войтыръяслӧн мывкыдаяс пӧвстын Тэ кодьыс абу!
Кодкӧд ті ӧткодяланныд Менӧ, эм-ӧ кодкӧ Ме кодьыс, – юалӧ вежа Ен.
Кодкӧд ті ӧткодяланныд Енсӧ, аддзанныд-ӧ нӧшта Сы коддьӧмсӧ?
Тэ сувтӧдан найӧс вильыд туй вылӧ, шыбитан найӧс пыдӧстӧм гуӧ.
кодлӧн ыджыд уджъясыс шымыртны вермытӧмӧсь, кодлӧн шензьӧданаторъяслы лыдыс абу.
Господьӧй, енъяс пӧвстын Тэ кодьыс абу! Тэ кодь мӧдыс абу! Аслад вежалуннад Тэ нималан, Тэ – повзьӧдана да ошкана, вӧчан шензьӧданаторъяс.
Но Господь Саваоф веськыда мыждӧ, та вӧсна Сійӧс лоӧ ыдждӧдлӧма. Аслас веськыда вӧчӧмнас вежа Ен петкӧдлас Ассьыс вежалунсӧ.
Мывкыд мортыд олӧмыслӧн туйӧд кайӧ, кулӧмаяслӧн оланінысь ылӧджык кежӧ.
Вылӧ кыпӧдчысьяс октісны меным дзуг да лэч, туй вомӧн нюжӧдісны меным тыв да пуктісны нальк.
Вежӧртӧмлы мывкыдлуныс гӧгӧрвотӧм, карса дзиръя дорын чукӧртчӧм йӧз водзын сылы нинӧм шунысӧ.
”Господьӧй Ыджыдӧй! Тэ петкӧдлін меным, Аслад кесйӧглы, Ассьыд ыджыд вынтӧ, вына китӧ [да ён сойтӧ]. Эм-ӧ енэжас либӧ му вылас мӧд енмыс, коді эськӧ Тэ моз вермис вӧчны ыджыд да вына уджъяс?
Лӧня виччысь Господьӧс да лача кут Сы вылӧ. Эн вежав наяна вӧчысьлы, кодлӧн ставыс артмӧ.