Псалтыр 68:32 - Коми Библия 2023

³² Тайӧ лоӧ Господьлы шогманаджык ӧш дорысь, сюра да гыжъя ӧшпи дорысь.

Псалтыр 68:32 Referans Kwoze

Восьтӧм 15:4

Господьӧй, сюрас-ӧ сэтшӧм морт, коді оз повзьы Тэысь, коді оз ошкы Тэнсьыд нимтӧ? Ӧд Тэ ӧтнадӧн вежаыс! Войтыръяс локтасны да копыртчасны Тэ водзӧ, ӧд воссис Тэнад веськыда мыждӧмыд!

Псалтыр 102:22

Ошкӧй Господьӧс, Сылӧн вӧчӧмторъяс! Ошкӧй Сійӧс быдлаын, кӧні Сійӧ юралӧ! Ошкы Господьӧс, менам лолӧй! Ошкӧм.

Псалтыр 100:1

Давидлӧн псалом. Господьӧй, ме кута сьывны Тэныд ошкӧм, кута сьывны буралӧмыд да веськыдлуныд йылысь.

Индӧд 32:43

[Нимкодясьӧй, енэжъяс, Господькӧд ӧтвылысь, Енлӧн став анделыс, копыртчылӧй Сылы!] Нимкодясьӧй, войтыръяс, Сылӧн войтыркӧд [ёнмӧдчӧй, Енлӧн пиян]! Сійӧ водзӧс перъяс Сылы паныд сувтысьяслысь, мынтысяс налы Аслас кесъялысьяслысь вирсӧ кисьтӧмысь [мынтысяс Сійӧс мустӧмтысьяслы]. Господь сӧстӧммӧдас Ассьыс мусӧ, вештас войтырыслысь мыжсӧ.

Исай 18:7

Сэки Господь Саваофлы ваясны козинъяс ён вына да збой войтырсянь, ыджыд тушаа йӧзсянь, кодъясысь быдлаын полӧны, кодъяс ставнысӧ нартитӧны, кодъяслысь мусӧ вожӧдӧны юяс. Козинъяссӧ ваясны Сион керӧс вылӧ, Господь Саваофлӧн оланінӧ.

Исай 19:21

Господь восьтас Асьсӧ египетсалы. Сійӧ лунӧ найӧ тӧдмаласны Господьӧс, ваясны Сылы начкан висьяс да нянь висьяс и вӧчасны, мый кыв сетӧмӧн кӧсйысясны Сылы.