Псалтыр 68:30 - Коми Библия 2023

³⁰ Ме коньӧр морт, ме ёна сьӧкыдала, отсав меным, Енмӧй, дорйы менӧ.

Псалтыр 68:30 Referans Kwoze

Яков 4:1

Кытысь артмӧ тіян пӧвстын лёксьӧмыс да вензьӧмыс? Оз-ӧ чужны найӧ тіян вир-яйын ыпъялан-тышкасян ыштӧмъяссянь?

Римӧ 7:22

Менам пытшкӧсса мортыс нимкодьпырысь сибӧдӧ Енлысь Индӧдсӧ,

Езекиль 29:3

Шу, мый Господь Ыджыдыс тадзи висьталӧ: Ме сувта тэныд паныд, фараон, египетса ӧксы. Тэ – ыджыд крокодил, куйлан Нил юын да шуан, юыс пӧ менам, ме пӧ ачым сійӧс аслым вӧчи.

Еремей 50:11

Ті, Менсьым войтырӧс куштысьяс, гажӧдчинныд-нимкодясинныд, видз вылӧ лэдзӧм кукань моз ризъялінныд, тышӧ петысь вӧв моз корскинныд.

Исай 34:7

Накӧд тшӧтш начкасны вӧлявывса ӧшъясӧс, ӧшпиянӧс ӧшъяскӧд. Муыс пӧтас налӧн вирӧн, му веркӧсыс йиджтысяс налӧн госӧн.

Псалтыр 120:7

Господь видзӧ тэнӧ быд лёкысь, Сійӧ видзӧ тэнсьыд олӧмтӧ.

Псалтыр 89:10

Миян олан лунъясным – сизимдас во, а ёнджыкъяслӧн – кӧкъямысдас. Миян олан лунъясысь унджыкыс – мырсьӧм да шогсьӧм, найӧ ӧдйӧ кольӧны, и ми лэбам.

Псалтыр 2:12

Вылӧ пуктӧй Писӧ, медым Сійӧ эз скӧрмы, и медым ті энӧ кулӧй туй выланыд, ӧд Сылӧн скӧрлуныс регыд нин ыпнитас. Шудаӧсь Сы вылӧ лача кутысьяс.

Иов 40:21

Пысалан-ӧ тэ эжӧрысь кыӧм кӧв сылӧн ныр розьӧ, писькӧдан-ӧ ёсь беддьӧн сылысь черлысӧ?

2 Каднебӧг 9:14

Таысь ӧтдор вузасьысьяс мынтылісны сылы вот, а ӧксыув муясын юралысьяс да аравияса ӧксыяс вайлісны сылы эзысь-зарни.

2 Каднебӧг 9:24

Соломон дінӧ волысьяс вайлісны аскӧдныс козинъяс: эзысь-зарниысь вӧчӧм дозмук-кӧлуй, паськӧм, шыпуртъяс, чӧскыд ӧвтанторъяс, вӧвъясӧс да мулъясӧс. Тадзи вӧлі быд во.

Псалтыр 72:10

Лёк вӧчысьяс дінӧ бергӧдчӧ тшӧтш Енлӧн войтырыс, ва моз пӧтлытӧг юӧ налысь лёк кывъяссӧ.

Закар 8:22

Вына войтыръяс локтасны Ерусалимӧ, медым юрбитны Господь Саваофлы, кевмысьны Господьлы.