Псалтыр 64:4 - Коми Библия 2023

⁴ Лёк уджъясӧй личкӧны менӧ, но Тэ вештан миянлысь мыжнымӧс.

Псалтыр 64:4 Referans Kwoze

Псалтыр 11:2

Господьӧй, отсав меным, ӧд мувывса йӧз пӧвстын эз коль мортыс, кодлы позьӧ эскыны.

Иоан 19:6

Исусӧс аддзигӧн аркирейяс да крам видзысьяс горӧдісны: «Тувъяв! Тувъяв Сійӧс!» Пилат шуис налы: «Ті асьныд босьтӧй да тувъялӧй Сійӧс. Ме некутшӧм мыж Сылысь ог аддзы».

Аввакум 3:14

Кор вӧрӧгъяс ыджыд тӧвныр моз уськӧдчӧны да разӧдӧны миянӧс, кор найӧ нимкодясьӧны да гусьӧн ньылыштӧны коньӧрӧс, сэки Тэ асланыс шыӧн бытшкан налысь юралысьсӧ.

Псалтыр 64:7

Аслад вынӧн Тэ сувтӧдін керӧсъяс, Тэ вӧнясьӧмыд ыджыд вынӧн.

Неемий 4:11

Миянӧс дзескӧдысьяс шуалісны, ерусалимса олысьяс пӧ оз и казявны да оз и тӧдлыны, кыдз ми тӧдлытӧг сувтам на шӧрӧ да виалам найӧс, тадзи сувтӧдам уджсӧ.

Ӧксыяслӧн 2 небӧг 15:14

Давид сэки шуис аслас йӧзлы, кодъяс вӧліны сыкӧд Ерусалимын: «Миянлы колӧ пышйыны Авессаломысь. Тэрмасьӧй, мед сійӧ эз су миянӧс. Суас кӧ, виас миянӧс и карын став олысьсӧ».

Ӧксыяслӧн 1 небӧг 19:10

Саул лыйис шысӧ, кӧсйис тувъявны Давидӧс стен бердас. Но Давид удитіс чеччыштны бокӧ, и шыыс сатшис стенмас. Давид сійӧ войнас пышйис, тадзи мыніс Саулысь.

Ӧксыяслӧн 1 небӧг 18:11

Сійӧ мӧвпыштіс: «Тувъяла Давидӧс стен бердас». Сэсся Саул лыйис шысӧ, но Давид удитіс кежны шыысь. Тадзи вӧлі кыкысь.

Псалтыр 57:5

Налӧн ядыс – змей яд кодь, найӧ тупкӧмаӧсь пельнысӧ, найӧ пельтӧм змей кодьӧсь.