Псалтыр 62:8 - Коми Библия 2023

⁸ Ӧд Тэ – меным отсӧг сетысьыс, Тэнад бордъяс улын ме кута долыда нимкодясьны.

Псалтыр 62:8 Referans Kwoze

Филипӧ 4:6

Нинӧм вӧсна энӧ майшасьӧй. Енсӧ аттьӧалӧмӧн да Сылы кевмысьӧмӧн вайӧй Сы водзӧ став ассьыныд корӧм-кӧсйӧмнытӧ.

Бӧрданкыв 2:19

Чеччы войнас да горзы, горзы войбыд, дугдывтӧг! Господьлӧн чужӧмбан водзын ваӧс моз кисьт сьӧлӧм дойтӧ. Нюжӧд китӧ Сылань, кевмысь ныв-пиыдлӧн олӧм вӧсна. Найӧ куйлӧны туйвежъясын, тшыгнысла кулӧны.

Исай 26:4

Лачанытӧ пыр кутӧй Господь вылӧ, ӧд Господь Ен – нэмъяс чӧж сулалысь изкырта.

Псалтыр 142:2

Эн мыжды Ассьыд кесйӧгтӧ, ӧд Тэ водзын веськыд мортыс абу.

Ӧксыяслӧн 1 небӧг 1:15

Мӧдыс вочавидзис: «Ыджыдӧй, вина-сур ме эг ю. Ме зэв шудтӧм ань, та вӧсна сьӧлӧмӧс ме личӧді Господь водзын.

Псалтыр 18:2

Енэжыс висьталӧ Енлӧн дзирдлуныс йылысь, енэжвевтыс юӧртӧ Сылӧн киӧн вӧчӧмторъяс йылысь.

Псалтыр 42:4

Ме матыстча Тэнад висьпуктанін дорӧ, матыстча Тэ дінӧ, Енмӧй. Тэ сетан меным нимкодьлун да гажлун, гуслиӧн ворсӧмӧн ме кута ошкыны Тэнӧ, менам Енмӧй.

Еврейяслы 6:18

Тайӧ кыкторйыс – Енлӧн кӧсйысьӧмыс да кыв сетӧмыс – вежсьывлытӧмӧсь, ӧд Енмыс оз вермы ылӧдлыны. Тайӧ кыкторйыс ышӧдӧ миянӧс да отсалӧ кутчысьны сетӧм лачаас.

Исай 26:16

Господьӧй, сьӧкыдсӧ нуигӧн Тэнад войтырыд корсьысисны Тэнӧ. Кор Тэ мыждылін найӧс, найӧ ышлолалӧмӧн кевмысьлісны Тэныд.

Иов 13:15

Мед Енмыс виӧ менӧ, но ме лача кута, кӧсъя Сы водзын дорйысьны на.

1 Иоан 2:28

Челядь, лоӧй Сы пытшкынӧсь, медым Сылӧн локтігӧн ми вӧлім повтӧмӧсь, мед эз вӧв яндзим миянлы сувтны Сы водзӧ.

Псалтыр 102:1

Давидлӧн псалом. Ошкы Господьӧс, менам лолӧй! Став пытшкӧсӧй, ошкы Сылысь вежа нимсӧ!

Псалтыр 37:3

Тэнад ньӧвъясыд сатшисны меӧ, Тэнад киыд личкӧ менӧ.

Шусьӧгъяс 14:26

Господьысь полӧмыс – тэнад зумыд лачаыд, Сыысь полӧмыс видзас тшӧтш тэнсьыд ныв-питӧ.

Исай 50:10

Коді тіян пӧвстысь полӧ Господьысь, кывзысьӧ Сылӧн кесйӧглысь? Коді ветлӧ пемыдас, кӧні абу югыдыс, сійӧ мед лача кутӧ Господьлӧн нимыс вылӧ, мед мыджсьӧ аслас Ен вылӧ.

Псалтыр 3:4

Но Тэ, Господьӧй, менам сайӧдыс, ме ошка Тэнӧ. Тэ кыпӧдан менсьым юрӧс.

Псалтыр 46:2

Войтыръяс, клопайтӧй кинаныд, гораа нимкодясьӧмӧн ошкӧй Енсӧ!

Псалтыр 71:7

Сылӧн ӧксыалан кадӧ веськыда олысь кутас дзоридзавны, му вылас лоӧ лӧнь олӧм, кытчӧдз оз кус тӧлысьыс.

Псалтыр 91:2

Кутшӧм бур ошкыны Тэнӧ, Господьӧй, сьылӧмӧн ошкыны Тэнсьыд нимтӧ, Медвылыссаӧй!