Псалтыр 56:5 - Коми Библия 2023

⁵ Ме ола левъяс пӧвстын, биӧн лолалысь зверъяс пӧвстын, сэтшӧм йӧз пӧвстын, кодъяслӧн пиньныс шы да ньӧв кодь, кодъяслӧн кывйыс ёсь шыпурт кодь.

Псалтыр 56:5 Referans Kwoze

Лука 11:54

Найӧ зілисны крукыштны Исусӧс, корсисны помка мыжавны Сійӧс.

Матвей 22:15

Фарисейяс мунісны да ас костаныс сёрнитчисны Исусӧс кыйны сёрниас.

Псалтыр 41:7

Менам лолӧй дзикӧдз нюкыртчӧма, та вӧсна ме казьтывла Тэнӧ Йӧрдан юбокса му вылын, Ермон да Мицар керӧсъясын.

2 Петыр 3:16

Татшӧмторъяссӧ сійӧ висьталӧ быд гижӧдын. Мыйсюрӧ сэтысь сьӧкыд гӧгӧрвонысӧ. Та вӧсна ичӧт мывкыда йӧз да жеб эскысьяс мукӧд Гижӧдсӧ моз мӧдарӧ бергӧдӧны сылысь гижӧдъяссӧ. Тадзи кӧлалӧны ас выланыс бырӧдӧмсӧ.

Ӧксыяслӧн 1 небӧг 18:21

Саул мӧвпыштіс: «Давидӧс тывйыштӧм могысь сета нылӧс сы сайӧ. Сэки Давид шедас филистимсаяслӧн киӧ». Сэсся шуис Давидлы: «Мӧд нылӧс сета тэныд, тэ лоан меным зятьӧн».

Иоан 2:19

Исус вочавидзис: «Жугӧдӧй тайӧ крамсӧ, и Ме куим лунӧн выльысь лэпта сійӧс».

Ӧксыяслӧн 1 небӧг 18:17

Ӧтчыд Саул вӧзйис Давидлы: «Ассьым Мерова ыджыд нылӧс сета тэ сайӧ, сӧмын повтӧг кесъяв меным да веськӧдлы Господьлӧн тышъясӧн». Но та дырйи Саул мӧвпаліс: «Сы вылӧ мед оз кыпты менам киӧй, а филистимсаяслӧн».

Матвей 26:61

Найӧ висьталісны: «Сійӧ шуліс, верма пӧ Енлысь крамсӧ жугӧдны, сэсся пӧ куим лунӧн сійӧс бӧр лэптыны».

Еремей 18:18

Йӧзыс шуисны: «Локтӧй, сёрнитчамӧй Еремейлы паныд. Локтӧй, лёкӧдамӧй сійӧс, огӧ кывзӧй сійӧс! Миян эм попъяслӧн велӧдӧм, мывкыда йӧзлӧн туйдӧдӧм, пророкъяслӧн кыв».

Ӧксыяслӧн 1 небӧг 18:29

Саул нӧшта на ёнджыка кутіс повны Давидысь. И став олӧм чӧжыс мустӧмтіс сійӧс.

Ӧксыяслӧн 1 небӧг 20:33

Сэки Саул лыйис шыпуртсӧ, медым вины Ионафанӧс. Ионафан гӧгӧрвоис, мый батьыс кӧсйӧ вины Давидӧс.

Ӧксыяслӧн 1 небӧг 20:7

Батьыд кӧ шуас та вылӧ ”бур”, сідзкӧ, меным, тэнад кесйӧглы, нинӧмысь повнысӧ. А скӧрмас кӧ, тӧд, мый лёктӧр кӧсйӧ вӧчны.

Ӧксыяслӧн 3 небӧг 18:2

Илля муніс Ахав дінӧ. Самарияын сэки йӧзыс зэв ёна тшыгъялісны.

Псалтыр 49:6

Енэжыс юӧртас Енлӧн веськыдлун йылысь, ӧд Сійӧ – веськыда мыждысь Ен.

Псалтыр 118:6

Ме кӧ тӧд вылын кута Тэнсьыд тшӧктӧмъястӧ, меным оз ло яндзим.