Псалтыр 53:6 - Коми Библия 2023

⁶ Енмыс – меным отсӧг сетысьыс, Господь ёнмӧдӧ менсьым лолӧс.

Псалтыр 53:6 Referans Kwoze

Еремей 30:18

Господь тадзи висьталӧ: – Ме выльысь сувтӧда Яковлысь чомъяссӧ, бурсьӧлӧмтча сылӧн оланін дінӧ. Карсӧ выльысь лоӧ лэптӧма аслас керӧс вылӧ, изкарыс кутас сулавны аслас местаын.

Исай 12:6

Сионын олысьяс, гажӧдчӧй да нимкодясьӧй! Израильлӧн Вежаыс ыджыд, Сійӧ тіян пӧвстын».

Исай 14:32

Мый вочавидзны йӧз муысь юӧр вайысьяслы? Вочавидзӧй налы тадзи: Господь зумыда сувтӧдіс Сион, Сылӧн войтырысь коньӧръяс аддзасны сэні сайӧдчанін.

Псалтыр 85:1

Давидлӧн кевмысьӧм. Господьӧй, копырт Ассьыд пельтӧ мелань, вочавидз меным, ӧд ме гӧль да коньӧр.

Неемий 12:43

Сійӧ лунӧ йӧзыс вайисны уна вись да ёна гажӧдчисны, ӧд Енмыс тыртіс найӧс ыджыд нимкодьлунӧн. Аньяс и челядь тшӧтш ёна нимкодясисны. Ерусалимын гажӧдчӧмыс кыліс ылӧдз.

Амос 9:14

Ме бӧр вайӧда пленысь Ассьым Израиль войтырӧс. Найӧ выльысь лэптасны кушмӧм каръяснысӧ да овмӧдчасны сэтчӧ. Найӧ пуктасны виноград пуяс, ассьыныс винасӧ кутасны юны. Сад йӧръясӧ пуктасны пуяс, налысь вотӧссӧ кутасны сёйны.

Йоиль 3:1

– Сійӧ лунъясӧ Ме бара сета Иудалы да Ерусалимлы воддза кодьыс бур олӧм.

Еремей 31:23

Господь Саваоф, Израильлӧн Ен, тадзи висьталӧ: «Кор Ме бӧр бергӧда Иуда войтырӧс пленысь, Иуда муын да иудаса каръясын бара кутасны шуавны: ”Мед Господь бурсиас тэнӧ, вежа керӧс, веськыдлуныслӧн оланін!”

Псалтыр 50:2

Давидлӧн Вирсавиякӧд узьӧм бӧрас сы дінӧ воліс Нафан пророк.

Иов 42:10

сылӧн ёртъясыс вӧсна. Та бӧрын Господь сетіс Иовлы ставсӧ кык пӧв унджык, мый сылӧн вӧлі водзынсӧ.

Ездра 3:11

Господьӧс ошкӧмӧн да нимӧдӧмӧн найӧ сьылісны: Господь бур, Сылӧн буралӧмыс Израиль дінӧ оз помасьлы! Став войтырыс гораа горзӧмӧн ошкис Господьӧс. Ошкисны Господьӧс сыысь, мый крамлысь подувсӧ лои пуктӧма.

Левит 26:17

Ме тіянлы паныд сувта. Вӧрӧгныд вермас тіянӧс, мустӧмтысьныд кутас ыджыдавны тіян вылын. Ті котӧрӧн пышъянныд, кӧть вӧтӧдысьыс оз ло.

Левит 26:36

Тіян пӧвстысь ловйӧн кольӧмаяс кутасны овны вӧрӧглӧн муын. Сэні Ме тіян сьӧлӧмӧ пукта полӧм. Коръяслӧн кышакылӧмысь ті пышъянныд шыпуртысь моз да усянныд, кӧть вӧтӧдысьыс оз ло.

Шусьӧгъяс 28:1

Лёк вӧчысь пышйӧ, весиг кӧ сійӧс оз вӧтӧдны, но веськыда олысь лев кодь повтӧм.