Псалтыр 53:2 - Коми Библия 2023

² Давид лӧсьӧдіс тайӧ сьыланкывсӧ, кор Зиф карысь локтісны йӧз да висьталісны Сауллы, мый Давид дзебсясьӧ на пӧвстын.

Псалтыр 53:2 Referans Kwoze

Исай 55:6

Корсьӧй Господьӧс, кор позьӧ на аддзыны Сійӧс, шыасьӧй Сы дінӧ, кор Сійӧ матын.

2 Каднебӧг 15:2

и сійӧ муніс Аса дінӧ да шуис сылы: «Кывзы менӧ, Аса. Кывзӧй менӧ, Иуда да Венямин чужанкотыръяс. Господь лоӧ тіянкӧд, ті кӧ лоанныд Сыкӧд. Ті кӧ кутанныд корсьны Сійӧс, Сійӧ воссяс тіянлы. А эновтанныд кӧ Сійӧс, Сійӧ тшӧтш эновтас тіянӧс.

Псалтыр 111:10

Тайӧс аддзигӧн Ентӧг олысь скӧралӧ, пиньсӧ йирӧ и лёкысла потӧ. Лёк вӧчысьяслӧн кӧсйӧмыс торксьӧ. Ошкӧм.

Еремей 23:24

Вермас ӧмӧй мортыс дзебсьыны, медым Ме эг аддзы сійӧс? – висьталӧ Господь. – Ме ӧмӧй абу быдлаын, енэжас и му вылас? – висьталӧ Господь.

Псалтыр 27:8

Господь – Аслас войтырлӧн выныс, Аслас мавтыштӧмалӧн Дорйысьыс да Мездысьыс.

2 Каднебӧг 19:3

Дерт, тэнад эм и бур уджъяс. Тэ бырӧдін Иуда муысь юрбитан пуяс да сьӧлӧмсяньыд корсин Енмӧс».

Еремей 16:17

Ӧд найӧ оз вермыны дзебсьыны Меысь, Менам синмӧй аддзӧ налысь туйяссӧ, и налӧн лёк вӧчӧмъясыс пыр Менам син водзынӧсь.

Псалтыр 102:19

Господь сувтӧдіс Ассьыс юралан пуклӧссӧ енэжас, ставыс Сылӧн кипод улын.

Псалтыр 11:4

Но Господь бырӧдас ылӧдчысьясӧс, найӧс, кодъяс ошйысьӧны,

Псалтыр 10:4

Господь олӧ Аслас вежа крамын, Сылӧн юралан пуклӧсыс енэжас. Сылӧн синмыс видзӧдӧ [корысь бӧрся], Сійӧ пыдӧдз тӧдмалӧ мортлысь сьӧлӧмсӧ.

Иов 28:28

Мортлы Енмыс шуис: «Господьысь полӧм эм мывкыдлун, лёксьыс ылыстчӧм эм сюсь вежӧр».

1 Каднебӧг 28:9

А тэ, Соломон пиӧй, тӧд аслад батьыдлысь Енсӧ, кесъяв Сылы став сьӧлӧмнад да став олӧмнад. Ӧд Господь быдӧнлысь тӧдмалӧ сьӧлӧмсӧ да тӧдӧ мӧвпъяссӧ. Кутан кӧ корсьны Сійӧс, сэки аддзан, а эновтан кӧ, Сійӧ пыр кежлӧ эновтас тэнӧ.

Индӧд 4:6

Видзӧй тшӧктӧмъяссӧ да олӧй на серти, сэки мукӧд войтыръяс аддзасны, кутшӧм ті мывкыдӧсь да сюсьӧсь. И кор найӧ кыласны тайӧ тшӧктӧмъясыс йылысь, сэки шуасны: ”Кутшӧм мывкыд да сюсь тайӧ вына войтырыс!”