Псалтыр 5:10 - Коми Библия 2023

¹⁰ Ӧд налӧн вомын збыльыс абу, налӧн сьӧлӧмын – бырӧдӧм, налӧн горшныс – восьса гу, кывнас найӧ пӧръясьӧны.

Псалтыр 5:10 Referans Kwoze

Исай 63:10

Но найӧ паныд кыпӧдчисны да шогӧдісны Господьлысь Вежа Ловсӧ, та вӧсна Сійӧ лӧгаліс на вылӧ, тышкасис налы паныд.

Ӧксыяслӧн 2 небӧг 17:14

Авессалом да Израиль войтыр шуисны, Ахитофеллӧн вӧзйӧм дорысь пӧ Аркиысь Хушайлӧн вӧзйӧмыс бурджык. Медым бырӧдны Авессаломӧс, Господь татшӧм ногӧн торкис Ахитофеллысь бур вӧзйӧмсӧ.

1 Коринфӧ 3:19

Ӧд Енмыс тайӧ му вылас олысьяслысь мывкыдлунсӧ лыддьӧ йӧйталӧмӧн. Гижӧма: «Енмыс тывйыштӧ мывкыдаясӧс асланыс наянлунӧ».

Псалтыр 71:13

Сійӧ лоӧ бур сьӧлӧма гӧльяс да коньӧръяс дінӧ, сійӧ видзас налысь олӧмсӧ.

Ӧксыяслӧн 2 небӧг 17:23

Кор Ахитофел аддзис, мый сылысь вӧзйӧмсӧ ӧтдортісны, пуксис осёл вылӧ да муніс гортас, аслас карӧ. Гортсаясыслы висьталіс, мый вӧчны керканас, сэсся та бӧрти джагӧдчис. Сылысь шойсӧ пуктісны батьыслӧн дзебанінӧ.

Ӧксыяслӧн 2 небӧг 15:31

Давидлы юӧртісны, Ахитофел пӧ ӧтувтчӧма Авессаломкӧд. Сэки Давид пондіс кевмысьны: «Господьӧй, [Енмӧй,] вӧч сідзи, мед Ахитофеллӧн шуӧм-вӧзйӧмыс лоӧ мывкыдтӧм вӧзйӧмӧн».

Осий 9:7

Воис мыждан лун, матысмис мынтысян лун – Израиль мед тӧдӧ тайӧс. Ме, пророк, лои вежӧртӧм, ӧд ті уна лёк вӧчанныд, ме, Ловсянь сёрнитысь, лои йӧй, ӧд ті пыр меным паныд сувтанныд.

Бӧрданкыв 1:5

Дзескӧдысьяс ыджыдалӧны Сион вылын, мустӧмтысьяс гажаа олӧны. Сионлӧн уна мыж вӧсна Господь ыстіс сылы шог. Сылысь челядьсӧ нуӧдісны пленӧ, дзескӧдысьяс вӧтлісны найӧс водзвыланыс.

Даниил 9:9

Но Тэ, Господьӧй, миян Енмӧй, бур сьӧлӧма миян дінӧ. Ми кыпӧдчим Тэныд паныд, но Тэ прӧститан миянӧс.

Даниил 9:5

Ми мыж вӧчим да лёкнога олім. Ми лёксӧ вӧчим да кыпӧдчим Тэныд паныд, ми ӧтдортім Тэнсьыд индӧд-тшӧктӧмъястӧ.

Исай 1:20

А онӧ кӧ кывзысьӧй да кутанныд асныравны, сэки шыпурт помысь куланныд. Тадзи висьталӧ Господь.

Исай 1:2

Кывзы, енэжыс, кывзы, муыс! Господь тадзи висьталӧ: – Ме быдті челядьӧс, но найӧ кыпӧдчисны Меным паныд.

Псалтыр 107:11

Коді пыртас менӧ изкарӧ, коді вайӧдас менӧ Эдом муӧдз?

Псалтыр 79:12

Сылӧн петасъясыс нюжӧдчисны саридз дорӧдз, паськалісны ю дорӧдз.

Псалтыр 66:7

Муыс сетіс миянлы озыр быдтас. Енмӧй, миян Енным, бурси миянӧс!

Псалтыр 17:13

Сы водзын дзирдаліс яръюгыд би, сэтысь петісны кымӧръяс, шер да биа ӧгыръяс.

Эсфир 7:10

Аманӧс ӧшӧдісны пу сюръя вылӧ, мый сійӧ дасьтіс Мардокейлы. Та бӧрын ӧксылӧн скӧрлуныс лӧнис.

2 Каднебӧг 25:16

Пророк эз на помав сёрнисӧ, а ӧксы шуис нин сылы: «Тэнӧ ӧмӧй индісны туйдӧдны ӧксыӧс? Дугды сёрнитнытӧ! Он кӧ, тэнӧ виасны». Но сёрни помавтӧдзыс пророк шуис: «Ме тӧда, мый Енмыс шуис бырӧдны тэнӧ сыысь, мый тэ вӧчин. Но менсьым туйдӧдӧмӧс тэ он кывзы».

Ӧксыяслӧн 1 небӧг 25:39

Давидлы кывсис, мый Навал кулӧма, сэки шуис: «Ошкӧм Господьлы, коді мынтысис Наваллы менӧ янӧдӧмысь. Господь видзис менӧ, Ассьыс кесйӧгсӧ, лёк вӧчӧмысь, Сійӧ бергӧдіс лёксӧ Навал вылӧ». Сэсся Давид ыстіс йӧзӧс Авигея дінӧ, мед висьтавны, мый босьтӧ сійӧс гӧтырӧ.

Ӧксыяслӧн 1 небӧг 25:29

Господь, тэнад Енмыд, видзас тэнсьыд олӧмтӧ дзескӧдысьясысь да тэнӧ вины корсьысьясысь, дзебас тэнӧ Аслас питшӧгас. А тэнӧ мустӧмтысьяслысь ловсӧ изйӧс моз Сійӧ шыбитас.

Индӧд 2:30

Но хешбонса Сигон ӧксы эз лэдз миянӧс мунны аслас муӧд, ӧд Господь, тіян Енныд, чорзьӧдіс Сигонлысь сьӧлӧмсӧ, медым сетны сійӧс тіян киӧ. Тадзи ставыс артмис.