Псалтыр 46:8 - Коми Библия 2023

⁸ Ӧд Енмыс став му пасьтала Ӧксы. Сьылӧмӧн ошкӧй Сійӧс!

Псалтыр 46:8 Referans Kwoze

Псалтыр 66:5

Войтыръяс мед гажӧдчасны-нимкодясясны, ӧд Тэ веськыда мыждан найӧс, Тэ веськӧдлан мувывса чужанкотыръясӧн.

Исай 24:1

Со, Господь куштӧ мусӧ, бырӧдӧ сэні олысьясӧс, тшыкӧдӧ муыслысь чужӧмбансӧ, разӧдӧ му вылын олысьясӧс.

Исай 61:4

Найӧ выльысь кыпӧдасны важӧн пазӧдӧм каръяс, овтӧм каръяс пыдди найӧ кыпӧдасны выльясӧс, выльысь лэптасны киссьӧм каръяс, кӧні важӧн нин некод оз ов.

Петӧм 12:30

Войнас фараон садьмис, тшӧтш сылы кесъялысь йӧз да став египетса войтырыс садьмисны. Египетын [став му пасьталаыс] сулаліс ыджыд бӧрдӧм, ӧд эз вӧв керка, кӧні эськӧ эз вӧв кулӧмаыс.

Нав Исус 11:20

Ӧд Господь чорзьӧдіс тайӧ войтыръяслысь сьӧлӧмсӧ да ышӧдіс найӧс уськӧдчыны Израиль войтыр вылӧ, медым израильсаяс жалиттӧг дзикӧдз бырӧдісны найӧс, кыдзи Господь тшӧктіс Мӧисейлы.

Лыд 23:23

Яков рӧдлы паныд туналӧмыс оз ин, Израиль войтырлы паныд тшыкӧдӧмыс оз во. Ас кадӧ шуасны Яков-Израиль йылысь: «Со мый вӧчӧ Енмыс!»

Петӧм 10:7

Фараонлӧн йӧзыс шуисны сылы: «Дыр-ӧ на миянлы сьӧкыдавны тайӧ мортыс понда? Лэдз тайӧ войтырсӧ, мед мунасны да юрбитасны Господьлы, асланыс Енлы. Он ӧмӧй аддзы, мый Египетным быранвыйын?»

Лыд 14:9

Энӧ кыпӧдчӧй Господьлы паныд! И сэтчӧс войтырысь энӧ полӧй! Няньӧс моз ми ньылыштам найӧс! Дорйысьыс налӧн абу, а миянкӧд Господь. Энӧ полӧй наысь!»

Индӧд 20:1

«Кор ті петанныд тышӧ да аддзанныд, мый вӧрӧглӧн вӧв-тарантасыс да тышкайӧзыс унджык тіян дорысь, энӧ полӧй, ӧд тіянкӧд Господь, тіян Енныд, коді петкӧдіс тіянӧс Египет муысь.

Псалтыр 59:10

Моав му – Менам мыссян дозйӧй, Эдом муӧ Ме шыбита Ассьым кӧмкотӧс. Филистим му, нимкодясьӧмӧн ошкы Менӧ!»

Псалтыр 146:5

Миян Господьным ыджыд да вына, Сылӧн мывкыдлуныс пыдӧстӧм.

Исай 7:14

Но Господь Ачыс петкӧдлас тіянлы пас: со, ныв сьӧктас, сэсся пи чужтас, Эммануил ним Сылы пуктас.

Исай 8:10

Мӧвпалӧй да дасьтысьӧй, но тіян мӧвпыштӧманыд оз збыльмы. Сёрнитчӧй ӧта-мӧдныдкӧд, но тіян нинӧм оз артмы. Ӧд миянкӧд Ен!