Псалтыр 44:2 - Коми Библия 2023

² Менам сьӧлӧмысь петӧны мича кывъяс, ме сьыла ӧксы йылысь, кывъясӧй ворсӧдчӧны мичаа гижысьлӧн ки моз.

Псалтыр 44:2 Referans Kwoze

Петӧм 15:17

Тэ вайӧдан да овмӧдан войтыртӧ Аслад керӧс вылӧ, мый Тэ, Господьӧй, вӧчин Аслыд оланінӧн, кытчӧ Тэ, Ыджыдӧй, Аслад киӧн кыпӧдін вежаин.

Ӧксыяслӧн 2 небӧг 7:10

Ме торйӧда Аслам Израиль войтырлы му да вужйӧда найӧс сэтчӧ. Найӧ лӧня да повтӧг кутасны овны асланыс муын. Лёк вӧчысьяс оз кутны дзескӧдны найӧс воддза мозыс,

Нав Исус 21:43

Татшӧм ногӧн Господь сетіс Израиль войтырлы ставнас мусӧ, мый кыв сетӧмӧн кӧсйысис сетны налӧн батьяслы. Израильсаяс босьтісны аслыныс тайӧ мусӧ да овмӧдчисны сэтчӧ.

Нав Исус 11:23

Тадзи Исус босьтіс ставнас мусӧ, кыдзи Господь висьталіс Мӧисейлы. Исус юкліс мусӧ Израильлӧн чужанкотыръяслы. Тышъяс бӧрын тайӧ муас пуксис лӧнь кад.

Псалтыр 105:44

Но Господь аддзис налысь шогсӧ, кывзіс налысь бӧрдӧмӧн шыасьӧмсӧ.

Нав Исус 24:12

Эз тіян шыпуртныд, эз тіян ньӧввужныд вӧтлы аморейяслысь кык ӧксыӧс тіян водзвылысь, а Меӧн мӧдӧдӧм гырысь зіяс.

Нав Исус 10:42

Ӧтчыдысь уськӧдчӧмӧн сійӧ пасьвартіс тайӧ муяссӧ да налысь ӧксыяссӧ, ӧд Господь, Израильлӧн Ен, тышкасис Израиль вӧсна.

Нав Исус 10:11

Кор найӧ израильса тышкайӧзысь пышйигӧн лэччисны Бет-Хорон керӧс вылысь, Господь шыблаліс на вылӧ енэжсянь гырысь йиа шер. Тадзи вӧлі Азека карӧдз став туй чӧжныс, и унаӧн кулісны. Унджыкыс кулісны эз израильсаяслӧн шыпурт помысь, а гырысь йиа шер улӧ веськалӧмысь.

Нав Исус 3:10

Сэсся шуис: «Ӧні ті тӧдмаланныд, мый тіян пӧвстын ловъя Ен, коді вӧтлас тіян водзысь ханаансаясӧс, хеттейясӧс, хивейясӧс, перезейясӧс, гергесейясӧс, аморейясӧс да евуссаясӧс.

Индӧд 7:1

«Кор Господь, тіян Енныд, вайӧдас тіянӧс сійӧ муас, кытчӧ ті мунанныд сійӧс босьтӧм могысь, сэки Сійӧ вӧтлас тіян водзысь сизим войтырӧс – хеттейясӧс, гергесейясӧс, аморейясӧс, ханаансаясӧс, перезейясӧс, хивейясӧс да евуссаясӧс. Тайӧ войтыръясыс уна лыдаӧсь, тіян дорысь ёнджыкӧсь.

Лыд 13:32

Но Калевкӧд Ханаан муӧ ветлысьяс мӧдарӧ сёрнитісны: «Ми огӧ вермӧй тайӧ войтырыслы паныд тышкасьны. Найӧ миянысь ёнджыкӧсь!»

Петӧм 34:11

Олӧй сы серти, мый ӧні тшӧкта тіянлы. Ме вӧтла тіян водзысь аморейясӧс, ханаансаясӧс, хеттейясӧс, перезейясӧс, [гергесейясӧс,] хивейясӧс да евуссаясӧс.

Петӧм 23:28

Ме мӧдӧда гырысь зіясӧс, найӧ вӧтласны тіян водзысь [аморей,] хивей, [евус,] ханаан да хеттей войтыръясӧс.

Петӧм 15:19

Кор фараонлӧн вӧла-тарантаса тышкайӧзыс воисны саридз шӧрӧдз, Господь бергӧдіс гыяссӧ на вылӧ. А Израиль пиян мунісны саридз шӧрӧд косінті.

Петӧм 10:2

медым аслад пияныдлы да налӧн пияныслы тэ висьталін, кутшӧм ногӧн Ме янӧді египетсаясӧс да кутшӧм индысьпасъяс петкӧдлі налы. Сэки ті тӧдмаланныд, мый Ме – Господь».

Индӧд 4:38

Сійӧ вӧтліс тіян водзысь войтыръясӧс, кодъяс вӧліны тіянысь унджыкӧнӧсь да вынаджыкӧсь. Сійӧ пыртіс тіянӧс налӧн муӧ да сетіс налысь мусӧ тіянлы, кыдзи ӧні артмӧ.

Индӧд 32:7

Энӧ вунӧдӧй кольӧм лунъястӧ, казьтылӧй важ олӧм йылысь. Юасьӧй батьясныдлысь, и найӧ гӧгӧрвоӧдасны, юалӧй олӧма йӧзлысь, и найӧ висьталасны.

Ёрдысьяс 6:13

Гедеон вочавидзис: «Ыджыдӧй, миянкӧд кӧ Господь, сідзкӧ, мыйла миянӧс шогъясыс суисны? Кӧні Сылӧн шензьӧданаторъясыс, мый йылысь висьтавлісны батьясным? Найӧ висьтавлісны миянлы, кыдзи Господь петкӧдӧма миянӧс Египетысь. Но ӧні Господь эновтӧма миянӧс, сетӧма мадианса киӧ».

Ӧксыяслӧн 2 небӧг 23:12

а кӧдзӧм мусӧ видзӧм могысь Шаммей сувтіс му шӧрас да сэні виаліс филистимсаясӧс. Тадзи Господь сетіс Израильлы ыджыд вермӧм.

Исай 51:9

Садьмы, кыпӧдчы, вынсяв, Господьлӧн ки! Садьмы важся кадӧ моз, кыпӧдчы, кыдзи важӧн вӧчлін. Эз-ӧ Господьлӧн киыс ви Рахавӧс, зэ-ӧ бытшкы саридзса гундырӧс?

Еремей 32:23

Найӧ локтісны да босьтісны тайӧ мусӧ, но найӧ эз кывзысьны Тэнсьыд, эз овны Тэнад Индӧдыд серти. Найӧ эз вӧчны сійӧ, мый Тэ тшӧктін вӧчны налы, та вӧсна Тэ мӧдӧдін налы став тайӧ шогсӧ.