Псалтыр 38:6 - Коми Библия 2023

⁶ Сӧмын весьт мында Тэ сетін меным олан лунъяс, и менам нэмӧй Тэнад син водзын нинӧм кодь. Дзик збыльысь, мортыдлӧн олӧмыс тӧвру пӧльыштӧм кодь.

Псалтыр 38:6 Referans Kwoze

Иов 30:28

Ме сьӧдӧді, но эг шондісьыс, йӧз чукӧрын ме горзӧмӧн отсӧг кора.

Псалтыр 43:2

Енмӧй, ми асланым пельясӧн кывлім, батьясным миянлы висьталісны, мый Тэ вӧчлін важӧн, вӧчлін налӧн олан кадӧ.

Псалтыр 42:5

Мыйла шогсян да майшасян, менам лолӧй? Лача кут Ен вылӧ! Ме кута на ошкыны Сійӧс, ассьым Енмӧс да Мездысьӧс. Ошкӧм.

Псалтыр 88:9

Господьӧй, Ен Саваоф, Тэ кодь вынаыс абу, Тэ быдторйын эскана Ен.

Псалтыр 57:6

Пельтӧм змей оз кыв нимкыв лыддьысьлысь гӧлӧс шысӧ, кимӧститчысьлысь мича кывъяссӧ.

Псалтыр 31:10

Лёк вӧчысьӧс суӧ уна шог, а Господь вылӧ лача кутысьӧс кытшалӧ буралӧм.

Псалтыр 6:6

Кулӧм мортыд оз нин казьтыв Тэнӧ, гуын куйлысь оз нин ошкы Тэнӧ.

Исай 38:14

Ме курликті тури моз, чивзі чикыш моз, гажтӧмтчи гулю моз, син мудзтӧдз видзӧді енэжас. Господьӧй, ме сьӧкыдала, отсав меным!

Иов 7:5

Яйӧй лӧмӧсь-номырӧсь, няйтӧн вевттьысьӧма, кучикӧй потласьӧ-орзьӧ.