Псалтыр 37:12 - Коми Библия 2023

¹² Дойясӧй вӧсна менам ёртъясӧй да муса йӧзӧй ылыстчисны меысь, менам матыссаяс ӧтдортчисны.

Псалтыр 37:12 Referans Kwoze

Микей 2:1

Курыд шог налы, кодъяс дасьтысьӧны лёксӧ вӧчны, весиг вольпасяс куйлігӧн мӧвпалӧны та йылысь. Асывводзнас найӧ збыльмӧдӧны мӧвпъяснысӧ, лёксӧ вӧчны налӧн киныс вына.

Даниил 8:12

Быдлунся вись вайӧмысь ӧтдор тшӧтш тышкайӧзӧс налӧн лёк вӧчӧмныс вӧсна вӧлі сетӧма сы киӧ. Збыльсӧ нинӧмӧ пуктӧмӧн сійӧ вӧчис ассьыс уджсӧ, и сылӧн ставыс артмис.

Матвей 26:16

Сэксянь Иуда пондіс корсьны лӧсялан кад, медым вузавны Исусӧс.

Матвей 26:4

Найӧ сёрнитчисны ылӧдлӧмӧн босьтны Исусӧс да вины Сійӧс.

Даниил 8:24

Сійӧ лоӧ зэв вына, но оз аслас вынӧн сійӧ вынсяв. Сылӧн ставыс кутас артмыны, сійӧ куштас-пазӧдас ставсӧ, бырӧдас вынаясӧс да вежа войтырӧс.

Эсфир 3:6

Аман шуис вины Мардокейӧс, но тайӧ вӧлі сылы этша на. Кор сійӧ тӧдмаліс, кутшӧм войтырысь Мардокей, шуис кушӧдз бырӧдны Артаксеркс ӧксы му пасьталаысь иудейясӧс.

Ӧксыяслӧн 1 небӧг 18:21

Саул мӧвпыштіс: «Давидӧс тывйыштӧм могысь сета нылӧс сы сайӧ. Сэки Давид шедас филистимсаяслӧн киӧ». Сэсся шуис Давидлы: «Мӧд нылӧс сета тэныд, тэ лоан меным зятьӧн».

Олӧм 39:16

Верӧсыс локтӧдз ань видзис ас ордас Ӧсиплысь паськӧмсӧ.

Эсфир 3:5

Кор Аман аддзис, мый Мардокей эз сувт пидзӧс вылас да эз копыртчыв сылы, скӧрысла пузис.

Эсфир 5:13

Но ӧксылы кесъялысь Мардокей нима иудейӧс аддзигӧн менам став долыдлунӧй вошӧ».

Псалтыр 34:22

Господьӧй, эн чӧв ов, Тэ ӧд аддзылін тайӧс, Ыджыдӧй, эн ылыстчы меысь.