Псалтыр 34:4 - Коми Библия 2023

⁴ Менсьым олӧмӧс босьтны кӧсйысьяс мед яналасны да лоасны серамтуйынӧсь. Меным лёксӧ вӧчны кӧсйысьяс мед яналӧмӧн бӧр бергӧдчасны.

Псалтыр 34:4 Referans Kwoze

Псалтыр 18:6

Сэтысь шонді долыда петӧ, кыдзи верӧспу аслас гӧтрасян вежӧсысь, кыдзи панласьысь нимкодьпырысь котӧртӧ аслас туйӧд.

Матвей 7:7

«Корӧй, и тіянлы сетасны, корсьӧй, и ті аддзанныд, игӧдчӧй, и тіянлы восьтасны.

Псалтыр 56:3

Ме шыася Медвылысса Ен дінӧ, меным бурсӧ вӧчысь Ен дінӧ.

2 Тимофейлы 1:7

Енмыс ӧд сетіс миянлы эз полӧмыслысь лов, а выныслысь, муслуныслысь да бур мывкыдыслысь лов.

Иона 2:2

Сэні сійӧ кевмысис Господьлы, аслас Енлы:

Исай 12:2

Енмыс – менӧ Мездысьыс. Сы вылӧ ме лача кута да ог пов. Господь – менам вынӧй, Сійӧ – менам сьыланкывйӧй. Господь мездіс менӧ».

Еврейяслы 5:7

Му вылын олігӧн Исус кыз синваӧн да гораа бӧрдӧмӧн корис-кевмысис Сылы, коді вермис мездыны Сійӧс кулӧмысь. Ен кыліс Сылысь кевмӧмсӧ, ӧд Исус кывзысис Сылысь.

Лука 11:9

Висьтала тіянлы: корӧй, и тіянлы сетасны, корсьӧй, и ті аддзанныд, игӧдчӧй, и тіянлы восьтасны.

Псалтыр 46:2

Войтыръяс, клопайтӧй кинаныд, гораа нимкодясьӧмӧн ошкӧй Енсӧ!

2 Каднебӧг 15:2

и сійӧ муніс Аса дінӧ да шуис сылы: «Кывзы менӧ, Аса. Кывзӧй менӧ, Иуда да Венямин чужанкотыръяс. Господь лоӧ тіянкӧд, ті кӧ лоанныд Сыкӧд. Ті кӧ кутанныд корсьны Сійӧс, Сійӧ воссяс тіянлы. А эновтанныд кӧ Сійӧс, Сійӧ тшӧтш эновтас тіянӧс.

Ӧксыяслӧн 1 небӧг 27:1

Давид мӧвпаліс: «Коркӧ ме збыльысь веськала Саул киӧ. Бурджык меным пышйыны Филистим муӧ, сэки Саул ӧвсяс меысь, дугдас корсьны менӧ став Израиль му пасьтала. Тадзи ме мына сыысь».