Псалтыр 34:2 - Коми Библия 2023

² Босьт Ассьыд ичӧт да ыджыд сайӧдтӧ, лок меным отсӧг вылӧ.

Псалтыр 34:2 Referans Kwoze

Еремей 9:24

Но ошйысьысь мед ошйысьӧ сійӧн, мый сылӧн эм гӧгӧрвоӧмлун тӧдны Менӧ. Ӧд Ме – Господь, Ме бурсьӧлӧмтча да веськыда мыжда му вылас. Ті кӧ тшӧтш тадзи вӧчанныд, тіян уджъясныд лоӧны Меным шогманаӧсь, – висьталӧ Господь.

1 Коринфӧ 1:31

Тадзи инас тайӧ гижӧдыс: «Ошйысьысь мед ошйысьӧ Господьӧн».

Псалтыр 44:8

Веськыдлуныс тэныд муса, а лёксӧ тэ мустӧмтан. Та вӧсна тэнад Енмыд мавтыштіс тэнӧ нимкодьлунӧн мукӧд дорысь ёнджыка на.

2 Коринфӧ 10:17

Ӧд шуӧма: «Ошйысьысь мед ошйысьӧ Господьӧн».

Исай 45:25

А Израильсянь чужысьясӧс Господь вӧчас веськыдӧн, и найӧ кутасны ошйысьны Сыӧн.

Псалтыр 105:3

Шудаӧсь найӧ, кодъяс олӧны веськыдлун серти, веськыда вӧчӧны быд кадӧ.

Псалтыр 142:7

Господьӧй, тэрмась вочавидзны меным, ӧд ловнам ме дзикӧдз усьӧма. Эн тупкы меысь Ассьыд чужӧмбантӧ, медым ме эг ло кулӧм морт кодь.

Иов 1:21

Иов шуис: – Пасьтӧг ме петі мам кынӧмысь, пасьтӧг и бӧр муна. Господь сетіс, Господь и бӧр босьтіс. [Ӧд тадзи вӧлі шогмана Господьлы.] Мед лоӧ ошкӧма Господьлысь нимсӧ!