Псалтыр 32:8 - Коми Библия 2023

⁸ Став муыс мед полӧ Господьысь, муюгыдын став олысьыс мед дзӧрӧ Сы водзын.

Псалтыр 32:8 Referans Kwoze

Псалтыр 33:18

Кор веськыда олысьяс шыасьӧны Господь дінӧ, Сійӧ кылӧ найӧс да мездӧ став налӧн шогсьыс.

Матвей 11:29

Пуктӧй Менсьым сийӧсӧс ас выланыд да велӧдчӧй Месянь, ӧд Ме рам да небыд сьӧлӧма. Сэки тіян ловлы сюрас шойччӧг.

Исай 49:10

Найӧ оз кутны тшыгъявны, налӧн оз кут косьмыны горшныс, найӧс оз пӧж шондіыс, ӧд найӧс пондас нуӧдны Сійӧ, коді бур сьӧлӧма на дінӧ, Сійӧ вайӧдас найӧс ва петанінъяс дорӧ.

Шусьӧгъяс 3:1

Пиӧй, эн вунӧд менсьым туйдӧдӧмӧс, сьӧлӧмад видз менсьым тшӧктӧмъясӧс,

Псалтыр 34:11

Ылӧг висьталысьяс чеччӧны ёрд вылын, юасьӧны менсьым, мый ог тӧд.

Олӧм 24:48

Ме муӧдзыс копыртчӧмӧн юрбиті Господьлы. Ме ошки Господьӧс, менам Ӧвраам ыджыдлысь Енсӧ, коді веськыд туйӧд вайӧдіс менӧ, медым ыджыдӧйлӧн вокыслысь нывсӧ босьтны пиыслы гӧтырӧ.

Лыд 9:22

Кымӧрыс кӧ вежа чом весьтын сулавліс кык лун, тӧлысь либӧ дырджык, сэки Израиль пиян туйӧ эз петлыны. Мыйӧн кыпӧдчыліс кымӧрыс, сэки войтырыс мӧдӧдчыліс туйӧ.

Ӧксыяслӧн 2 небӧг 22:33

Енмыс вӧньӧдӧ менӧ вынӧн, лӧсьӧдӧ меным веськыд туй,

Ӧксыяслӧн 3 небӧг 8:36

сэки Тэ кыв найӧс енэжсяньыд да прӧстит Аслад кесйӧгъяслысь да Израиль войтырыдлысь мыжсӧ. Петкӧдлы налы бур туйсӧ, кыті налы колӧ мунны, да мӧдӧд зэрсӧ Аслад му вылӧ, мый Тэ вичмӧдін Аслад войтырыдлы.

Псалтыр 25:12

Ме ветлӧдла веськыд туйӧд, Ен войтырлӧн чукӧртчӧмын ме ошка Господьӧс.

Псалтыр 143:8

Налӧн вомысь петӧ ылӧгыс, кинысӧ лэптӧмӧн найӧ ылӧг кыв сетӧны.

Исай 48:17

Господь, тэнӧ Мездысь, Израильлӧн вежа Ен, тадзи висьталӧ: – Ме – Господь, тэнад Енмыд, Ме велӧда тэнӧ бурас, нуӧда тэнӧ сійӧ туйӧдыс, кыті тэныд колӧ муннысӧ.