Псалтыр 30:11 - Коми Библия 2023

¹¹ Шогын помасьӧ менам олӧмӧй, бӧрдӧмӧн тырӧма олан лунъясӧй. Аслам мыж вӧсна ме дзикӧдз вынтӧмми, менам лыясӧй косьмисны.

Псалтыр 30:11 Referans Kwoze

Еремей 31:4

Ме выльысь кыпӧда тэнӧ, и тэнӧ лоӧ кыпӧдӧма, Израиль ныв. Тэ бара босьтан киад тимпан, кутан йӧктыны гажӧдчысьяскӧд.

Исай 25:8

Кулӧмсӧ лоӧ бырӧдӧма пыр кежлӧ! Господь Ыджыдыс чышкалас синвасӧ быд мортлӧн чужӧмбанысь, став му пасьтала Аслас войтыр вылысь вештас янӧдӧмсӧ. Тадзи висьталӧ Господь.

Еклесиаст 3:4

эм кад бӧрдны и серавны, шогсьыны и йӧктыны,

2 Каднебӧг 20:12

Миян Енмӧй, мыжды найӧс. Ми абу сэтшӧм вынаӧсь, медым вермим паныд сувтны тайӧ уна лыда тышкайӧзыслы. Ми огӧ тӧдӧй, мый миянлы вӧчны, но Тэлань ми кыпӧдам синнымӧс!»

Псалтыр 149:3

Ошкӧй Сылысь нимсӧ йӧктӧмӧн, сьылӧй Сылы тимпанӧн да гуслиӧн ворсӧмӧн.

Псалтыр 150:4

Ошкӧй Сійӧс тимпан шы улӧ йӧктӧмӧн, ошкӧй Сійӧс струнаа ворсанторйӧн да пӧлянӧн!

Лука 15:22

Батьыс тшӧктас кесйӧгъясыслы: ”Вайӧй медбур паськӧмсӧ да пасьтӧдӧй менсьым пиӧс, чунькытшӧдӧй да кӧмӧдӧй сійӧс.

Псалтыр 30:5

Мезды менӧ налькйысь, кодӧс гусьӧн октісны меным, ӧд Тэ – менам сайӧдчаніныс.

Ӧксыяслӧн 2 небӧг 6:14

Шабді ефод кежсьыс Давид став сьӧлӧмсяньыс чеччаліс-йӧктіс Господь водзын.

Восьтӧм 21:4

Сійӧ чышкас налысь став синвасӧ. Кулӧмыс оз нин ло, оз ло шогсьӧм, бӧрдӧм ни висьӧм, ӧд важыс кольӧма.

Исай 61:3

Сионын шогсьысьяслы пӧим пыдди сетны мича юрвевттьӧд, бӧрдӧм пыдди – нимкодясьӧм, шогсьӧм пыдди – ошкӧм. Сэки найӧс шуасны зумыда сулалысь веськыда олысьясӧн, пуясӧн, кодъясӧс Господь вужйӧдіс, медым найӧ ошкисны Сійӧс.

Псалтыр 4:7

Унаӧн шуалӧны: «Коді сетас миянлы бурсӧ?» Господьӧй, петкӧдлы миянлы Аслад чужӧмбанлысь югыдсӧ.

Иоан 16:20

Веськыда, веськыда висьтала тіянлы: ті кутанныд сыркъялӧмӧн бӧрдны, а муюгыдыс кутас нимкодясьны. Ті шогӧ усянныд, но тіян шогныд бергӧдчас нимкодьлунӧ.

Исай 61:10

Ме долыда нимкодяся Господь йылысь, менам лолӧй нимкодясьӧ менам Ен йылысь, ӧд Сійӧ пасьтӧдіс менӧ мездмӧмыслӧн паськӧмӧн, вевттис менӧ веськыдлуныслӧн кышанӧн, верӧспулы моз пуктіс менам юр вылӧ мича юрвевттьӧд, гӧтырпуӧс моз мичмӧдіс менӧ мичмӧданторъясӧн.

2 Каднебӧг 20:9

”Миянӧс кӧ суас сьӧкыдлун, тыш, пӧрӧс висьӧм либӧ тшыглун, сэки ми сувтам Тэ водзӧ да тайӧ крамыс водзӧ, кӧні Тэнад нимыд. Сьӧкыдаліганым ми шыасям Тэ дінӧ, и Тэ кылан да мездан миянӧс”.

Исай 25:3

Та вӧсна вына войтыр нимӧдӧ Тэнӧ, скӧр войтырлӧн каръясын полӧны Тэысь.

Эсфир 9:22

Ӧд тайӧ лунъясӧ иудейяс мынтӧдчисны вӧрӧгысь, тайӧ тӧлысяс шогыс бергӧдчис налы нимкодясьӧмӧ, бӧрдӧмыс – гажӧдчӧмӧ. Мед тайӧ лунъясӧ найӧ гажӧдчасны да нимкодясясны, мед ысталасны матыссаясыслы чӧскыдторъяс да гӧльяслы козинъяс.

Неемий 8:10

Мунӧй гортаныд да чӧскыда сёйӧй-юӧй. Юксьӧй сёян-юаннад накӧд, кодлӧн нинӧм абу дасьтӧма, ӧд тайӧ лунсӧ вежӧдӧма миян Господьлы. Энӧ шогсьӧй, ӧд Господь водзын нимкодясьӧм ёнмӧдӧ тіянӧс».

Олӧм 45:28

Сійӧ шуис: «Ӧсип пиӧй ловъя! Тайӧ ставыс, мый меным колӧ. Ветла да кувтӧдз аддзысьла на сыкӧд».

Олӧм 37:35

Ныв-пиыс чукӧртчисны бурӧдны сійӧс, но сійӧ эз сибӧд бурӧдӧмсӧ, а шуис: «Шог сьӧлӧмӧн ме вуджа кулӧмаяслӧн оланінӧ пиӧй дінӧ». Тадзи бӧрдіс батьыс Ӧсип вӧсна.

2 Каднебӧг 20:3

Иосафат повзис. Сійӧ шыасис Господь дінӧ, а Иуда муын олысьяслы тшӧктіс видзавны.

Псалтыр 27:7

Господь – менам выныс да сайӧдыс. Ме лача куті Сы вылӧ, и Сійӧ отсаліс меным. Менам сьӧлӧмӧй ёна нимкодясьӧ, ме сьылӧмӧн ошка Сійӧс.

Еремей 52:33

Еконей пӧрччис дзескыдінын пукалан паськӧмсӧ да пасьталіс мӧд паськӧм. Сійӧ кадсяньыс да олӧм помӧдзыс Еконей сёйис-юис вавилонса ӧксылӧн пызан сайын.