3 унаӧн сёрнитӧны ме йылысь, Енмыс пӧ оз мезды сійӧс.
Ошкӧм Господьлы, ӧд Сійӧ кыліс менсьым кевмысьӧмӧс.
Господьлӧн гӧлӧс шыыс лэдзӧ чардби.
Тайӧ лоӧмторъясыс бӧрын Ӧврамлы петкӧдчис Господь да шуис: «Эн пов, Ӧврам, Ме – тэнад сайӧдыд. Тэныд вичмас ыджыд тырдон».
Луннас шондіыс оз нин понды тэныд югдӧдны, тӧлысьыс оз понды дзирдавны, но Ачыс Господь лоӧ тэныд бырлытӧм югыдӧн, тэнад Енмыд лоӧ тэнад дзирдлунӧн.
Вольпасьын ме казьтывла Тэнӧ, войся кадӧ мӧвпала Тэ йылысь.
Буралӧмыс да збыльыс паныдасясны, веськыдлуныс да лӧньлуныс окыштчасны.
Енэжыс висьталӧ Енлӧн дзирдлуныс йылысь, енэжвевтыс юӧртӧ Сылӧн киӧн вӧчӧмторъяс йылысь.
Карыслы югзьӧдӧм вылӧ оз ков шонді ни тӧлысь, ӧд Енлӧн дзирдлуныс югзьӧдӧ сійӧс, а сылӧн биыс – Баляыс.
Сійӧ ставсӧ вӧчӧ збыль да веськыдлун серти, Сылӧн тшӧктӧмъясыс зумыдӧсь,
Морт пиян, дыр-ӧ ті понданныд лёкӧдны менсьым нималӧмӧс, дыр-ӧ ті понданныд радейтны ковтӧмсӧ да корсьны ылӧгсӧ?
Сійӧ югъяліс Ен дзирдлунӧн да дзирдаліс дона из моз, югъялысь яшма моз.
ентӧдтӧмъяслы вайӧм югыдтӧ, Тэнад Израиль войтырлы восьтӧм дзирдлунтӧ.
Израиль, тэ шуда, тэ кодь мӧд войтырыс абу, тэ – Господьӧн мездӧм войтыр. Сійӧ – сайӧдыс, мый видзӧ тэнӧ, шыпуртыс, мый тышын вермӧ. Вӧрӧгыд кутас леститчыны тэ водзын, а тэ кокнад сы вылӧ тувччан.
Куим лун мысти фараон кыпӧдас тэнӧ да босьтас важ удж вылад. Тэ сетан сылы киас юан дозсӧ, тадзи важ мозыс кутан кисьтавны сылы вина.
А Израильсянь чужысьясӧс Господь вӧчас веськыдӧн, и найӧ кутасны ошйысьны Сыӧн.
Иудаса Еконей ӧксыӧс пленӧ нуӧдӧм бӧрын комын сизимӧд вонас дас кыкӧд тӧлысьлӧн кызь сизимӧд лунӧ вавилонса Эвил-Меродак ӧксы бурсьӧлӧмтчис иудаса Еконей ӧксы дінӧ да лэдзис сійӧс дзескыдінысь. Буретш тайӧ вонас Эвил-Меродак лоис ӧксыӧн.
Энӧ эскӧй Езекейлы! Сійӧ ышӧдӧ тіянӧс Господь вылӧ лача кутны, да эскӧдӧ, мый Господь мездас тіянӧс, и карнытӧ оз ло сетӧма ассурса ӧксы киӧ”.
Сэсся ме локта да нуӧда тіянӧс мӧд муӧ, тіян кодь муӧ, кӧні эм нянь, вина да виноград йӧръяс, олив вый да ма. Сэні ловйӧн колянныд, онӧ кулӧй. Сідзкӧ, энӧ кывзӧй Езекейӧс! Сійӧ пӧръясьӧ, кор шуӧ тіянлы, Господь пӧ мездас миянӧс.
