Псалтыр 27:1 - Коми Библия 2023

¹ Давидлӧн псалом. Господьӧй, ме шыася Тэ дінӧ, Тэ менам Дорйысьӧй. Кор шыася Тэ дінӧ, эн чӧв ов. Тэ кӧ кутан чӧв овны, ме кула.

Псалтыр 27:1 Referans Kwoze

Еврейяслы 13:6

Та вӧсна ми повтӧг шуам: – Господь – менам отсӧгыс, меным нинӧмысь повнысӧ. Мый вӧчас меным морт?

Псалтыр 118:6

Ме кӧ тӧд вылын кута Тэнсьыд тшӧктӧмъястӧ, меным оз ло яндзим.

Петӧм 15:2

Господь – менам выныс да сьыланкывйыс, Сійӧ мездіс менӧ. Сійӧ – менам Ен, ме нимӧда Сійӧс, Сійӧ – батьӧйлӧн Ен, медвылӧ кыпӧда Сійӧс.

2 Коринфӧ 12:9

но Господь шуис: «Тырмана тэныд Менам буралӧмӧй, ӧд Менам вынӧй медъёна тыдовтчӧ вынтӧмлун дырйи». Та вӧсна нимкодьпырысь ошйыся аслам вынтӧмлунӧн, медым Кристослӧн выныс тыдаліс ме пыр.

Псалтыр 84:11

Буралӧмыс да збыльыс паныдасясны, веськыдлуныс да лӧньлуныс окыштчасны.

Римӧ 8:31

Мый та вылӧ шуам? Енмыс кӧ миян дор, коді миянлы паныд?

Иоан 8:12

Исус бара сёрнитіс йӧзыскӧд. Сійӧ шуис: «Ме эм йӧзыслы югыдыс. Ме бӧрся мунысь оз кут ветлыны пемыдас, сылӧн лоӧ олӧмыслӧн югыдыс».

Исай 12:2

Енмыс – менӧ Мездысьыс. Сы вылӧ ме лача кута да ог пов. Господь – менам вынӧй, Сійӧ – менам сьыланкывйӧй. Господь мездіс менӧ».

Исай 61:10

Ме долыда нимкодяся Господь йылысь, менам лолӧй нимкодясьӧ менам Ен йылысь, ӧд Сійӧ пасьтӧдіс менӧ мездмӧмыслӧн паськӧмӧн, вевттис менӧ веськыдлуныслӧн кышанӧн, верӧспулы моз пуктіс менам юр вылӧ мича юрвевттьӧд, гӧтырпуӧс моз мичмӧдіс менӧ мичмӧданторъясӧн.

Псалтыр 62:6

Менам сьӧлӧмӧй бурмӧ чӧскыд да пӧтӧса сёянысь моз, менам вомӧй долыда ошкӧ Тэнӧ.

Иов 29:3

Сылӧн биыс ӧзъяліс ме весьтын, Сылӧн югӧр улын ме муні пемыдыс пыр.

Филипӧ 4:13

Ставсӧ верма менӧ ёнмӧдысь Исус Кристоскӧд!

Псалтыр 118:21

Тэ раммӧдан вылӧ кыпӧдчысьясӧс, ёрӧмаясӧс, кодъяс кежӧны Тэнад тшӧктӧмъясысь.

Восьтӧм 21:23

Карыслы югзьӧдӧм вылӧ оз ков шонді ни тӧлысь, ӧд Енлӧн дзирдлуныс югзьӧдӧ сійӧс, а сылӧн биыс – Баляыс.

Псалтыр 62:2

Енмӧй, Тэ менам Енмӧй. Водз асывсяньыс ме корся Тэнӧ, менам лолӧй гажтӧмтчӧ Тэысь, менам вир-яйӧй виччысьӧ Тэнӧ, нярмӧ куш да ватӧм овтӧминын.

Малакий 4:2

А тіянлы, Меысь полысьяслы, петас веськыдлуныслӧн шонді, и сылӧн югӧр улын ті бурданныд. Ті петанныд да понданныд чеччавны видз вылӧ лэдзӧм куканьяс моз.

Исай 2:5

Яковсянь чужысьяс, локтӧй, кутам овны Господьлӧн югыдас!

Восьтӧм 22:5

Войыс сэні оз ло. Налы оз нин ков бисянь либӧ шондісянь югыдыс, ӧд налӧн югзьӧдысьнас лоас Господь Ен. Найӧ кутасны ыджыдавны нэмъяс чӧж.

Иоан 1:9

Збыль Югыдыс, быд мортӧс югдӧдысь, локтіс муюгыдас.

Восьтӧм 7:10

да гораа горзісны: – Мездмӧмыс – миян Енсянь, юралан пуклӧсын Пукалысьсянь, да Балясянь!

Лука 2:30

Аслам синмӧн ме аддзылі став йӧзлы дасьтӧм мездӧмтӧ:

Псалтыр 11:1

Сьылысьясӧн веськӧдлысьлы. Ворсӧны кӧкъямыс струнаа ворсанторйӧн. Давидлӧн псалом.

Псалтыр 3:8

Кыпӧдчы, Господьӧй! Мезды менӧ, Енмӧй! Тэ жуглан мустӧмтысьяслысь тшӧка лысӧ, кисьтан лёк вӧчысьяслысь пиньнысӧ.

Лука 3:6

Сэки ставӧн аддзасны Енлысь мездӧмсӧ».

Матвей 8:26

Исус шуис: «Мыйла ті сэтшӧм полысьӧсь, этша эскысьяс?» Сэсся Исус чеччис, ӧлӧдіс тӧвсӧ да васӧ, и вӧвлытӧм чӧв-лӧнь пуксис.

Исай 45:24

«Выныс да веськыдлуныс сӧмын Господьлӧн», – шуасны Ме йылысь. Господьӧс мустӧмтысьяс яналӧмӧн локтасны Сы дінӧ.

Псалтыр 43:2

Енмӧй, ми асланым пельясӧн кывлім, батьясным миянлы висьталісны, мый Тэ вӧчлін важӧн, вӧчлін налӧн олан кадӧ.

Индӧд 7:18

Энӧ полӧй наысь! Энӧ вунӧдӧй, мый вӧчис Господь, тіян Енныд, фараонлы да став Египетлы.

Индӧд 7:21

Энӧ полӧй наысь, ӧд тіянкӧд Господь, тіян Енныд. Сійӧ ыджыд да повзьӧдана Ен.

Еремей 20:11

Но мекӧд Господь, Сійӧ дорйӧ менӧ вына тышкасьысь моз. Та вӧсна менӧ дзескӧдысьяс крукасясны, найӧ менӧ оз вермыны. Найӧ ёна яналасны, ӧд вӧчисны мывкыдтӧма, найӧс янӧдӧмсӧ некор оз ло вунӧдӧма.