2 Ме вылӧ кӧ уськӧдчасны лёк вӧчысьяс, мустӧмтысьяс да дзескӧдысьяс, медым косявлыны менсьым вир-яйӧс, найӧ асьныс крукасясны да усясны.
Господь мыждӧ войтыръясӧс. Мыжды менӧ, Господьӧй, менам веськыдлун да мыжтӧмлун серти.
Господьӧй, Тэ – менам зумыд изйыс да сайӧдчаніныс, менӧ Мездысьыс. Енмӧй, Тэ – менам изкыртаыс, Тэ вылӧ ме лача кута. Тэ – менам сайӧдыс, вына Дорйысьыс да Видзысьыс.
Уна-ӧ ме сайын лёк вӧчӧмыс да мыжыс? Петкӧдлы меным кывзысьтӧмлунӧс да мыжӧс.
Тайӧ коймӧд юкӧнсӧ Ме нуӧда би пыр, сывда эзысьӧс моз, весала зарниӧс моз. Найӧ шыасясны Ме дінӧ, и Ме вочавидза налы. Шуа: «Ті – Менам войтыр», а найӧ воча шуасны: «Господь – миян Ен!»
Господь Саваоф, Тэ тӧдмалан веськыда олысьӧс, Тэ аддзан сылысь пытшкӧссӧ да сьӧлӧмсӧ. Сет меным аддзыны, кыдзи Тэ водзӧс перъян менӧ мустӧмтысьяслысь, ӧд Тэ водзӧ ме вая ассьым тӧжд-могӧс.