5 Лёк вӧчысьяслысь чукӧртчӧмсӧ ме мустӧмта, Ентӧг олысьяскӧд ӧтлаын ог пуксьы.
Майбыр менӧ кывзысь, коді быд лун сулалӧ менам дзиръя дорын, видзӧдӧ менам ӧдзӧсӧ.
Асланыс киясӧн найӧ лёксӧ вӧчӧны, налӧн веськыд киныс виччысьӧ козинъяс.
Но Господь виччысьӧ, медым буравны тіян дінӧ, Сійӧ кыпӧдчӧ, медым бурсьӧлӧмтчыны тіян дінӧ. Ӧд Господь – веськыда мыждысь Ен. Шудаӧсь Сы вылӧ лача кутысьяс!
Ӧд Баляыс, пуклӧс водзын Сулалысьыс, кутас видзны найӧс, Сійӧ вайӧдас найӧс ловъя ва петанінӧ, и Енмыс чышкас налысь став синвасӧ.
Менам Батьӧй мӧдӧдас Менам ним кузя Дорйысьӧс – Вежа Лолӧс. Сійӧ велӧдас тіянӧс быдторйӧ да казьтыштас тіянлы ставсӧ, мый Ме висьтавлі тіянлы.
Збыльыслӧн Лолыс локтас да велӧдас тіянӧс збыляс. Сійӧ оз Ассяньыс кут висьтавны, а висьталас кывлӧмсӧ да юӧртас тіянлы водзӧ лоанасӧ.
Эзрахса Этанлӧн сьыланкыв.
Египетысь Тэ вайин виноград вожтӧ, вӧтлін войтыръясӧс, а вожтӧ вужйӧдін.
Тэ сетін налы Ассьыд бурлуна Ловтӧ, медым велӧдны найӧс. Тэ эн дугды вердны найӧс маннаӧн, сетін налы ва, мед эз косьмы налӧн горшыс.
Но тіян эм Вежасянь мавтыштӧм. Та вӧсна абу колана, мед кодкӧ велӧдіс тіянӧс. Ӧд мавтыштӧмыс велӧдӧ тіянӧс быдторйӧ, висьталӧ збыльсӧ да оз пӧръясь. Сідзкӧ, олӧй велӧдӧм сертиыс.
Кодъясӧс нуӧдӧ Енлӧн Лолыс, найӧ Енлӧн ныв-пи.
А Енмыс ӧмӧй оз дорйы Ассьыс бӧрйӧмаяссӧ, кодъяс лун и вой корӧны отсӧгсӧ Сылысь? Сёрмас ӧмӧй Сійӧ сетны отсӧгсӧ?
Найӧ оз кутны тшыгъявны, налӧн оз кут косьмыны горшныс, найӧс оз пӧж шондіыс, ӧд найӧс пондас нуӧдны Сійӧ, коді бур сьӧлӧма на дінӧ, Сійӧ вайӧдас найӧс ва петанінъяс дорӧ.
Мезды Ассьыд мусаястӧ, дорйы найӧс Аслад веськыд кинад, вочавидз меным!
Ме нуӧда синтӧмъясӧс сійӧ туйӧдыс, кыті найӧ эз на ветлыны, нуӧда найӧс тӧдтӧм туйӧд. Пемыдсӧ на водзвылын Ме вӧча югыдӧн, чукля туйяссӧ – веськыдӧн. Тадзи Ме вӧча налы, ог эновт найӧс.
Найӧ петасны бӧрдӧмӧн, а Ме вайӧда найӧс бурӧдӧмӧн, нуӧда найӧс визув ва дінӧ шыльыд туйӧд, кӧні найӧ оз крукасьны, ӧд Ме – Израиль войтырлӧн бать, Ефрем – Менам медводдза чужысьӧй.
Ачыс Господь велӧдӧ тэнсьыд пиянтӧ, найӧс виччысьӧ ыджыд шуд да лӧньлун.
Овтӧминті кутас мунны паськыд туй, сійӧс нимтасны Вежа туйӧн. Пежасьӧм морт оз кут ветлыны сы вывті, сійӧ лоӧ сӧмын Ен войтырлы туйӧн. Сэті мунысьяс, весиг мывкыдтӧмъяс, оз вошны.
Эн вежав мыж вӧчысьяслы, но став олӧм чӧжыд пов Господьысь.
Пророкъяслӧн гижӧма: ”Енмыс быдӧнӧс велӧдас”. Быдӧн, коді кывзӧ Батьӧс да Сысянь велӧдчӧ, локтӧ Ме дінӧ.
Тэ йылысь, Енлӧн кар, висьталӧны сӧмын бурсӧ.
Веськӧд менӧ Аслад збыляд да велӧд менӧ, ӧд Тэ – менӧ мездысь Ен, Тэ вылӧ ме лача кута быд кадӧ.
Сійӧ шойччӧдӧ менӧ веж видз вылын, вайӧдӧ менӧ лӧнь ва дорӧ,
Видзӧд, кутшӧм ыджыд Енлӧн выныс! Сюрас-ӧ Сы кодь велӧдысьыс?
Тэ тӧдан, кыдзи лёкӧдісны, янӧдісны да серавлісны менӧ, Тэ аддзан менӧ дзескӧдысьясӧс.
Господьӧй, меным муса Тэнад крамыд, Тэнад дзирдлуныдлӧн оланіныс.
Господьӧй, мезды, ме виччыся отсӧг Тэсянь!
А ме видзӧда Господь вылӧ, виччыся мездӧмсӧ аслам Енсянь. Менам Енмӧй кылас менӧ.