Псалтыр 25:12 - Коми Библия 2023

¹² Ме ветлӧдла веськыд туйӧд, Ен войтырлӧн чукӧртчӧмын ме ошка Господьӧс.

Псалтыр 25:12 Referans Kwoze

Псалтыр 37:23

Господьӧй, менам Мездысьӧй, тэрмась отсавны меным!»

Псалтыр 32:8

Став муыс мед полӧ Господьысь, муюгыдын став олысьыс мед дзӧрӧ Сы водзын.

Иоан 7:17

Коді кӧсйӧ вӧчны Ен кӧсйӧм серти, сійӧ тӧдмалас, Енсянь-ӧ тайӧ велӧдӧмыс, либӧ Ассянь Ме висьтала.

Псалтыр 111:10

Тайӧс аддзигӧн Ентӧг олысь скӧралӧ, пиньсӧ йирӧ и лёкысла потӧ. Лёк вӧчысьяслӧн кӧсйӧмыс торксьӧ. Ошкӧм.

Еклесиаст 12:13

Ставыслы, мый тэ кылін, кывкӧртӧдыс татшӧм: пов Енсьыс да ов Сылӧн тшӧктӧмъяс серти. Тайӧ тшӧктӧмыс – быд мортлы.

Исай 50:10

Коді тіян пӧвстысь полӧ Господьысь, кывзысьӧ Сылӧн кесйӧглысь? Коді ветлӧ пемыдас, кӧні абу югыдыс, сійӧ мед лача кутӧ Господьлӧн нимыс вылӧ, мед мыджсьӧ аслас Ен вылӧ.

Шусьӧгъяс 1:7

Тӧдӧмлуныс чужӧ Господьысь полӧмсянь, [Сыысь полӧмӧн олысь – вежӧра морт, Господьӧс пыдди пуктӧмсянь чужӧ вежӧрлуныс,] сӧмын вежӧртӧм йӧз мустӧмтӧны мывкыдлунсӧ да велӧдӧмсӧ.

Шусьӧгъяс 16:6

Буралӧм да збыль вештӧны мыжсӧ, Господьысь полӧм ылыстӧ лёксьыс.

Шусьӧгъяс 15:33

Господьысь полӧмыд мывкыдлун сетӧ, раммӧдчӧм бӧрти пыдди пуктӧм воӧ.

Ап. уджъяс 10:22

Найӧ висьталісны: «Миянӧс мӧдӧдіс Корнилий, сё тышкамортӧн веськӧдлысьным. Сійӧ веськыда олысь да Енмысь полысь морт, иудей войтыр сійӧс пыдди пуктӧ. Вежа андел тшӧктӧма сылы корны тэнӧ гортас, мед кывзыны тэнсьыд висьталӧмтӧ».

Исай 35:8

Овтӧминті кутас мунны паськыд туй, сійӧс нимтасны Вежа туйӧн. Пежасьӧм морт оз кут ветлыны сы вывті, сійӧ лоӧ сӧмын Ен войтырлы туйӧн. Сэті мунысьяс, весиг мывкыдтӧмъяс, оз вошны.

Шусьӧгъяс 2:5

сэки тӧдмалан, мый сійӧ Господьысь полӧмыс, да гӧгӧрвоан, мый сійӧ Енсӧ тӧдӧмыс.

Ап. уджъяс 13:26

Вокъясӧй, Ӧвраам пиян, тшӧтш Енмысь полысьяс! Тіянлы мӧдӧдӧма тайӧ мездана кывсӧ.

Ап. уджъяс 11:14

Сійӧ пӧ висьталас тэныд юӧр, код пыр мездман тэ да став тэнад гортсаыд.

Ап. уджъяс 10:2

Сійӧ вӧлі вежавидзысь морт, ачыс да сылӧн гортсаыс олісны Енмысь полӧмӧн. Корнилий отсасис гӧль иудейяслы да пыр кевмысис Енлы.

1 Иоан 2:27

Но тіян эм Вежасянь мавтыштӧм. Та вӧсна абу колана, мед кодкӧ велӧдіс тіянӧс. Ӧд мавтыштӧмыс велӧдӧ тіянӧс быдторйӧ, висьталӧ збыльсӧ да оз пӧръясь. Сідзкӧ, олӧй велӧдӧм сертиыс.

Олӧм 26:2

Господь петкӧдчис Исааклы да шуис: «Эн мун Египетӧ, а ов сійӧ муас, кӧні Ме тшӧкта.

Петӧм 4:15

Тэ висьтав сылы Менсьым кывъясӧс, пукті вомас, мый шуны. Ме лоа тіянкӧд, кор ті кутанныд сёрнитны, да велӧда, мый колӧ вӧчны.

Нав Исус 3:4

Тадзи ті кутанныд тӧдны мунан туйсӧ, ӧд сійӧ туйӧдыс ті энӧ на ветлӧй. Куд да тіян костын мед лоас кык сюрс гырддза кымын коласт, таысь матӧджык Йитӧд куд дорӧ энӧ матыстчӧй».

Ӧксыяслӧн 1 небӧг 9:6

Но кесйӧг шуис: «Тайӧ карас олӧ Енлӧн морт, йӧзыс сійӧс пыдди пуктӧны. Мый сійӧ шуӧ, инӧ. Ветлам сы ордӧ, гашкӧ, сійӧ индас миянлы, кодарланьӧ мунны».

Шусьӧгъяс 2:9

Тэ кӧ кывзан менӧ, сэки гӧгӧрвоан, мый сэтшӧм веськыдлуныс, веськыда вӧчӧмыс да збыльыс, тӧдмалан бурыслысь туйсӧ.