10 Асланыс киясӧн найӧ лёксӧ вӧчӧны, налӧн веськыд киныс виччысьӧ козинъяс.
Ми лыддям шудаӧн найӧс, кодъяс зумыда сулалісны помӧдз. Ті, дерт, кывлінныд Иовлӧн зумыдлун йылысь да тӧданныд, мый дасьтіс сылы мелі да бур сьӧлӧма Господь.
Ми тӧдам, мый Енсӧ радейтысьяслы, Сылӧн шуӧм сертиыс корӧмаяслы, Сійӧ ставсӧ бергӧдӧ бур вылӧ.
Но Тэ, Господьӧй, ло бур сьӧлӧма ме дінӧ, сувтӧд менӧ кок йылӧ, сэки ме водзӧс перъя налысь.
Индӧдсӧ вӧлі сетӧма Мӧисей пыр, а буралӧмыс да збыльыс воис Исус Кристос пыр.
Найӧс вужйӧдӧма Господьлӧн керкаын, найӧ дзоридзалӧны миян Енлӧн йӧръясын.
Ен водзын веськыдӧсь абу Индӧдсӧ кывлысьяс, а сы серти олысьяс.
Тӧждысьӧй быдӧнкӧд овны лӧня, лоӧй вежаӧсь, ӧд вежалунтӧг некод оз аддзы Господьӧс.
Быд войтыр пӧвстысь Сійӧ сибӧдӧ найӧс, кодъяс олӧны веськыда да Сыысь полӧмӧн.
Кывйыс лоис мортӧн, Сійӧ оліс миянкӧд буралӧм-збыльнас тыр. Ми аддзылім Сылысь дзирдлунсӧ. Сӧмын ӧтка Пиыслы вуджӧ татшӧм дзирдлуныс Батьсяньыс.
Корсьӧй Господьӧс, мувывса рам сьӧлӧмаяс, Сылӧн Индӧд серти олысьяс. Корсьӧй веськыдлунсӧ, корсьӧй рамлунсӧ, сэки, гашкӧ, ті верманныд дзебсьыны Господьлӧн скӧралан лунӧ.
Кор тэ кутан вуджны ыджыд ва вомӧн, Ме лоа тэкӧд, кор кутан вуджны ю вомӧн, сійӧ оз пӧдты тэнӧ, кор мунан би пыр, сійӧ оз сот и оз чишкав тэнӧ.
Господьӧй, Тэ – менам Енмӧй! Ме ыдждӧдла Тэнӧ, ошка Тэнсьыд нимтӧ. Тэ вӧчин шензьӧданаторъяс, важысянь мӧвпыштӧмторъяс, Тэнад вӧчӧмторъясыд збыльӧсь да эсканаӧсь.
Господьӧй, мед ошкасны Тэнсьыд ыджыд нимтӧ, Тэнад нимысь мед полӧны ставныс, Тэнад нимыд вежа!
Быд асыв сет миянлы пӧткӧдчыны Тэнад буралӧмӧн, медым ми нимкодясим да гажӧдчим став олӧм чӧжным.
Ӧд Тэ ыджыд, Тэ вӧчан шензьӧданаторъяс. Тэ – Ен, и мӧдыс абу.
Сьӧлӧманыд ті лёксӧ вӧчанныд, асланыд киӧн виаланныд-дзескӧданныд.
Ыдждӧдлӧй Господьӧс мекӧд, ӧтвылысь кыпӧдам Сылысь нимсӧ!
Тӧрыт на сӧмын локтін, а талун бара нин колӧ кытчӧкӧ мунны тэныд. Ме весиг ачым ог тӧд, кытчӧ муна. Босьт аскӧдыд гефса йӧзтӧ да бӧр бергӧдчы. [Господьлӧн] буралӧмыс да веськыдлуныс тэкӧд!»
«Ошкӧм Господьлы, менам Ӧвраам ыджыдлӧн Енлы! Сійӧ вӧлі бур сьӧлӧма, вӧчис менам ыджыдлы Аслас шуӧм серти и вайӧдіс менӧ ыджыдӧйлӧн вок керкаӧ».
Ӧврамлы вӧлі ӧкмысдас ӧкмыс арӧс, кор Господь петкӧдчис сылы да шуис: «Ме – Ставсӧвермысь Ен, ов Ме водзын сӧстӧма.
Енок кывзысис Енлысь став олӧм чӧжыс. Сэсся сійӧ эз ло, ӧд Енмыс босьтіс сійӧс Ас дінас.
Ефрем, Менӧ-ӧ тэ ӧткодялан идолъяскӧд? Ме кыла тэнӧ да вочавидза тэныд, Ме тӧждыся тэ вӧсна. Ме лоа тэныд веж кипарисӧн, Месянь лоӧ тэнад вотӧсыд.
Кытчӧ ме муна Тэнад Лов дінысь, кытчӧ пышъя Тэнад чужӧмбан водзысь?