Псалтыр 22:3 - Коми Библия 2023

³ ёнмӧдӧ менсьым лолӧс, нуӧдӧ менӧ веськыд туйӧд Аслас нимыс вӧсна.

Псалтыр 22:3 Referans Kwoze

Индӧд 10:21

Господьӧс ошкӧй, ӧд Сійӧ – тіян Енныд, коді вӧчис тіянлы ыджыд да повзьӧдана уджъяс. Тайӧ уджъяссӧ ті асланыд синмӧн аддзылінныд.

Исай 6:3

Найӧ чуксасисны ӧта-мӧдныскӧд да сьылісны: «Вежа, вежа, вежа Господь Саваоф, став муыс тырӧма Сылӧн дзирдлунӧн!»

Восьтӧм 4:8

Быдӧн на пиысь вӧлі квайт бордъя, а налӧн борд ортсыыс да пытшкӧсладорыс вӧлі тырӧма синъясӧн. Лун и вой найӧ дугдывтӧг шуалӧны: – Вежа, вежа, вежа Господь Ен, Ставсӧвермысь, коді вӧлі, эм и локтас.

Псалтыр 65:1

Сьылысьясӧн веськӧдлысьлы. Сьыланкыв. Псалом. Гораа нимкодясьӧмӧн ошкӧй Енсӧ, му вылын олысьяс!

Иов 19:7

Ме горза: «Виӧны-дзескӧдӧны!», но менӧ некод оз кыв, ме кора отсӧг, а дорйысьыс абу.

Иов 30:20

Ме чуксала-кора Тэнӧ, Енмӧй, но Тэ меным он вочавидз, ме сулала Тэ водзын, а Тэ сӧмын видзӧдан ме вылӧ.

Псалтыр 88:2

Господьӧй, Тэнад буралӧмыд йылысь кута сьывны помтӧг, Тэнсьыд збыльтӧ кута юӧртны чужысьяссянь чужысьясӧдз.

Аввакум 1:2

– Господьӧй, дыр-ӧ на меным отсӧгсӧ корны? Мыйла Тэ он кыв менӧ? Дыр-ӧ на меным горзынысӧ Тэ водзын? Мыйла Тэ он мезды миянӧс виалӧм-дзескӧдӧмысь?