Псалтыр 22:1 - Коми Библия 2023

¹ Давидлӧн псалом. Господь – менӧ Видзысьыс, менам ставыс лоӧ тырмана.

Псалтыр 22:1 Referans Kwoze

Марк 15:34

Куим час гӧгӧрын Исус ыджыд шыӧн горӧдіс: «Эли, Эли, лама сабактани?» Тайӧ лоӧ: «Енмӧй, Енмӧй, мыйла Тэ эновтін Менӧ?»

Матвей 27:46

Куим час гӧгӧрын Исус ыджыд шыӧн горӧдіс: «Эли, Эли, лама сабактани?» Тайӧ лоӧ: «Енмӧй, Енмӧй, мыйла Тэ эновтін Менӧ?»

Еврейяслы 5:7

Му вылын олігӧн Исус кыз синваӧн да гораа бӧрдӧмӧн корис-кевмысис Сылы, коді вермис мездыны Сійӧс кулӧмысь. Ен кыліс Сылысь кевмӧмсӧ, ӧд Исус кывзысис Сылысь.

Иов 3:24

Менам ойзӧмӧй лои быдлунъя няньӧн, менам бӧрдӧмӧй – визувтысь ваӧн.

Лука 24:44

Сэсся Исус шуис налы: «Кор на Ме вӧлі тіянкӧд, Ме висьтавлі, мый инас ставыс, мый гижӧма Ме йылысь Мӧисей Индӧдын, пророк гижӧдъясын да псаломъясын».

Псалтыр 10:1

Сьылысьясӧн веськӧдлысьлы. Давидлӧн псалом. Господь вылӧ ме лача кута. А ті шуанныд меным: «Лэбзьы керӧс вылӧ лэбач моз!»

Еврейяслы 13:5

Сьӧм вылӧ энӧ горшасьӧй, тырмӧдӧй сійӧ, мый эм. Ачыс Енмыс ӧд шуис: – Ог коль тэнӧ, ог эновт тэнӧ.

Ӧксыяслӧн 1 небӧг 12:22

Аслас ыджыд нимыс вӧсна Господь оз коль тіянӧс, Ассьыс войтырсӧ. Господь бӧрйис тіянӧс, мед ті вӧлінныд Сылӧн войтырӧн.

Псалтыр 71:11

Сы водзӧ мед копыртчасны ӧксыяс, войтыръяс мед кесъяласны сылы.

Исай 46:13

Ме мӧдӧді веськыдлунсӧ, сійӧ матын нин. Ме мӧдӧді мездӧмсӧ, сійӧ оз сёрмы. Ме сета Сионлы мездмӧмсӧ, Израильлы – Ассьым дзирдлунӧс.

Псалтыр 38:8

Господьӧй, мый меным виччысьны? Тэ вылӧ ме лача кута.

Псалтыр 16:1

Давидлӧн кевмысьӧм. Господьӧй, кывзы менсьым веськыда висьталӧмӧс, кыв менсьым гораа кевмысьӧмӧс, сибӧд менам ылӧдчытӧм вомсянь корӧм-кевмӧмӧс.

Лука 22:44

Шогыскӧд вермасигӧн Исус ёнджыка на кевмысис. Сылӧн пӧсьыс вирӧн войталіс муӧ.

Исай 59:11

Ми ставным равзам ошъяс моз, курксам гулюяс моз. Ми виччысям веськыда мыждӧмсӧ, но сійӧ абу, виччысям мездмӧмсӧ, но сійӧ ылын миянысь.

Псалтыр 26:9

Эн тупкы меысь Ассьыд чужӧмбантӧ, скӧралігад эн вӧтлы Ассьыд кесйӧгтӧ, ӧд Тэ – меным отсӧг сетысьыс. Енмӧй, менам Мездысьӧй, эн ӧтдорт, эн эновт менӧ!

Левит 2:6

Няньсӧ чегъялӧй торпыригӧдз да киськалӧй олив выйӧн. Тайӧ лоӧ [Господьлы] нянь вись.