Псалтыр 17:3 - Коми Библия 2023

³ Господьӧй, Тэ – менам зумыд изйыс да сайӧдчаніныс, менӧ Мездысьыс. Енмӧй, Тэ – менам изкыртаыс, Тэ вылӧ ме лача кута. Тэ – менам сайӧдыс, вына Дорйысьыс да Видзысьыс.

Псалтыр 17:3 Referans Kwoze

Псалтыр 26:2

Ме вылӧ кӧ уськӧдчасны лёк вӧчысьяс, мустӧмтысьяс да дзескӧдысьяс, медым косявлыны менсьым вир-яйӧс, найӧ асьныс крукасясны да усясны.

Ап. уджъяс 11:23

Воӧм бӧрас Варнава аддзис, мый сэні Енлӧн буралӧмыс, да ёна нимкодясис. Сійӧ ышӧдіс быдӧнӧс став сьӧлӧмнас кутчысьны Господь дінӧ.

Псалтыр 39:1

Сьылысьясӧн веськӧдлысьлы. Давидлӧн псалом.

Иов 23:10

Но Сійӧ тӧдӧ менсьым туйӧс, зарниӧс моз Сійӧ тӧдмалӧ менӧ биӧн.

Малакий 3:2

Коді вермас ловйӧн кольны Сылӧн локтігӧн? Коді вермас сулавны Сылӧн петкӧдчигӧн? Зарни сывдысь моз Сійӧ весалӧ биӧн, песласьысь моз – кунваӧн.

Закар 13:9

Тайӧ коймӧд юкӧнсӧ Ме нуӧда би пыр, сывда эзысьӧс моз, весала зарниӧс моз. Найӧ шыасясны Ме дінӧ, и Ме вочавидза налы. Шуа: «Ті – Менам войтыр», а найӧ воча шуасны: «Господь – миян Ен!»

Псалтыр 139:1

Сьылысьясӧн веськӧдлысьлы. Давидлӧн псалом.

1 Петыр 1:7

Зарниыс тӧдмавсьӧ биӧн. Тіян эскӧмныд бырана зарниысь донаджык, сійӧ тӧдмавсьӧ сьӧкыдлунъяс дырйи, медым Исус Кристос локтігӧн вичмис тіянлы ошкӧм, нимӧдӧм да дзирдлун.

Микей 2:1

Курыд шог налы, кодъяс дасьтысьӧны лёксӧ вӧчны, весиг вольпасяс куйлігӧн мӧвпалӧны та йылысь. Асывводзнас найӧ збыльмӧдӧны мӧвпъяснысӧ, лёксӧ вӧчны налӧн киныс вына.

Осий 7:6

Ставныс найӧ ломтӧны сьӧлӧмнысӧ наянлуннас, и накӧд лоӧ пачкӧд моз: пӧжасьысь кӧть войсӧ узьӧ, асъядорыс пачыс ыпъялӧ ыджыд биӧн.

Еремей 50:20

Сійӧ лунъясас, сійӧ кадас, – висьталӧ Господь, – кутасны корсьны Израиль войтырлысь лёк вӧчӧмъяссӧ, но весьшӧрӧ, кутасны корсьны Иуда войтырлысь мыжъяссӧ, но оз аддзыны, ӧд Ме прӧстита найӧс, кодъясӧс ловйӧн коля.

Шусьӧгъяс 13:3

Топыд вома видзӧ ассьыс ловсӧ, паськыд вома бырӧдас асьсӧ.

Псалтыр 16:7

Мездысьӧй, петкӧдлы Ассьыд шензьӧдана буралӧмтӧ Тэ вылӧ лача кутысьяслы! Аслад веськыд киӧн Тэ мездан найӧс паныд сувтысьясысь.

Псалтыр 11:5

миян кывным пӧ вына, вомнымӧс некод оз вермы тупкыны, некод оз вен миянӧс.

Псалтыр 7:4

Господьӧй Енмӧй, вӧчлі-ӧ ме мыйкӧ лёксӧ аслам киӧн,

Иов 24:14

Морт виысь югдытӧдзыс на чеччӧ, виӧ гӧльӧс да коньӧрӧс, войнас ветлӧдлӧ гусясьысь моз.

Ӧксыяслӧн 1 небӧг 26:23

Господь быдӧнлы мынтысьӧ мортыслӧн веськыдлун да эсканлун серти. Талун Господь сетіс тэнӧ менам киӧ, но ме эг лэпты киӧс Господьлӧн мавтыштӧма вылӧ.

Ӧксыяслӧн 1 небӧг 24:12

Видзӧдлы, батьӧй, менам киын тэнад паськӧм дорышыд. Ме вундішті тэнсьыд паськӧмтӧ, но асьтӧ тэнӧ эг ви. Тӧд, ме ог кӧсйы тэныд лёксӧ и ог мун тэныд паныд. Ме абу мыжа тэ водзын, но тэ кӧсъян вины менӧ.

Ап. уджъяс 16:9

Войнас Павел аддзылас Енсянь петкӧдчылӧм: македонияса морт сулалӧ сы водзын да корӧ, лок пӧ Македонияӧ да отсав миянлы.

Ӧксыяслӧн 1 небӧг 24:10

да шуис: «Мыйла тэ кывзан йӧзыслысь сёрнисӧ, Давид пӧ мӧвпыштӧма лёк вӧчны тэныд.

Яков 3:2

Ми ставным унаторйын мыжмам. Коді оз мыжмы сёрнинас, сійӧ тыр-бур морт да вермӧ кутны ставнас ассьыс вир-яйсӧ.

2 Коринфӧ 1:12

Ми ошйысям, мый тайӧ муюгыдас олысьяскӧд, торйӧн нин тіянкӧд, вӧлім восьсаӧсь да веськыдӧсь, олім Енлысь кывзысьӧмӧн. Та вӧсна миян сьӧлӧмным оз мыжды миянӧс. Ми ӧд эгӧ асланым мывкыд серти олӧй, миянӧн веськӧдліс Енлӧн буралӧмыс.

1 Коринфӧ 4:4

Сьӧлӧмӧй оз мыжды менӧ, но тайӧ оз на висьтав менам веськыдлун йылысь, ӧд менӧ мыждысьыс – Господь.

Ӧксыяслӧн 1 небӧг 26:11

Босьт сылӧн юр дорысь шысӧ да ва тыра дозсӧ. Мунам татысь».

1 Каднебӧг 28:9

А тэ, Соломон пиӧй, тӧд аслад батьыдлысь Енсӧ, кесъяв Сылы став сьӧлӧмнад да став олӧмнад. Ӧд Господь быдӧнлысь тӧдмалӧ сьӧлӧмсӧ да тӧдӧ мӧвпъяссӧ. Кутан кӧ корсьны Сійӧс, сэки аддзан, а эновтан кӧ, Сійӧ пыр кежлӧ эновтас тэнӧ.

1 Каднебӧг 29:17

Енмӧй, ме тӧда, мый Тэ тӧдмалан мортлысь сьӧлӧмсӧ. Тэныд мусаӧсь сӧстӧм сьӧлӧмаяс. Став тайӧ сетӧмторсӧ ме вайи сӧстӧм сьӧлӧмсянь. Ме аддза, мый татчӧ чукӧртчӧм Тэнад войтырыд нимкодьпырысь вайӧны Тэныд сетӧмторъяс.

Еремей 12:3

Господьӧй, Тэ тӧдан да аддзан менӧ, Тэ видзӧдан менам сьӧлӧмӧ да тӧдан, радейта-ӧ ме Тэнӧ. Торйӧд лёк вӧчысьясӧс начкысян лун кежлӧ, ыжъясӧс моз нуӧд найӧс начкӧм вылӧ.