8 Видз менӧ синмӧс моз, дзеб Аслад бордъяс улӧ
Ерусалимын сулалӧны Давид котырлӧн юралан пуклӧсъяс, веськыда мыждан пуклӧсъяс.
Менам сьӧлӧмӧй бурмӧ чӧскыд да пӧтӧса сёянысь моз, менам вомӧй долыда ошкӧ Тэнӧ.
Эн вунӧд Тэнӧ мустӧмтысьяслысь горзӧмсӧ, Тэныд паныд кыпӧдчысьяс ӧтарӧ шызьӧны. Ошкӧм.
Сыысь полысьясӧс Сійӧ пӧткӧдӧ, некор оз вунӧд Ассьыс йитӧдсӧ.
Эскӧмӧн Мӧисей петіс Египетысь, эз повзьы ӧксылӧн скӧрлунысь. Сійӧ вӧлі зумыд, ӧд видзӧдіс Тыдавтӧмыс вылӧ.
Господьӧй, Тэ менам пайыс да олӧмыс, менам пудйыс Тэнад киын.
Мекӧд аддзысигӧн ставныс лёкӧдӧны менӧ, юрнас довкйӧдлӧмӧн шуалӧны:
Ме ёна кӧсъя аддзыны Тэнсьыд вынтӧ да дзирдлунтӧ, кыдзи водзын ме аддзывлі Тэнӧ вежаинын.
Вольпасьын ме казьтывла Тэнӧ, войся кадӧ мӧвпала Тэ йылысь.
