Псалтыр 15:3 - Коми Библия 2023

³ Му вылын олысь вежа войтырыд шензьӧдана, ме нимкодяся наӧн.

Псалтыр 15:3 Referans Kwoze

Римӧ 13:10

Муслуныс оз вай лёксӧ матыссаыдлы. Муслуныс – тайӧ Индӧдсӧ тырвыйӧ олӧмӧ пӧртӧм.

Яков 4:11

Вокъяс, энӧ лёкӧдӧй ӧта-мӧднытӧ! Лёкӧдӧ кӧ кодкӧ либӧ мыждӧ ассьыс воксӧ, сійӧ паныд сувтӧ Индӧдыслы да мыждӧ Индӧдсӧ. Но тэ кӧ мыждан Индӧдсӧ, сідзкӧ, тэ абу Индӧд серти олысь, а мыждысь.

Матвей 7:12

Мый кӧсъянныд, медым йӧзыс вӧчисны тіянлы, сійӧс и ті вӧчӧй налы. Тадзи Индӧд да пророк гижӧдъяс велӧдӧны».

Левит 19:16

Аслад войтыр пӧвстын ылӧг сёрни эн паськӧд. Эн вешйы бокӧ, тэнсьыд матыссатӧ кӧ кодкӧ мыждӧ кулӧм вылӧ. Ме – Господь [тіян Енныд].

3 Иоан 1:11

Муса вокӧй, видзӧд бурсӧ вӧчысь вылӧ, а эн лёксӧ вӧчысь вылӧ. Бурсӧ вӧчысь – Енсянь, а лёксӧ вӧчысь эз аддзыв Енсӧ.

Римӧ 1:30

Найӧ лёк сёрниаӧсь, удтысьӧны, Енсӧ мустӧмтӧны, мукӧдӧс дӧзмӧдӧны, асьнысӧ вылӧ пуктӧны да ошйысьӧны. Найӧ зільӧсь лёксӧ вӧчны, бать-мамныслысь оз кывзысьны,

Исай 56:2

Шуда сійӧ мортыс, коді олӧ веськыда, коді кутчысьӧ веськыдлунас, коді пыдди пуктӧ шойччан лун, оз пежав сійӧс, коді видзӧ ассьыс кисӧ лёк вӧчӧмысь.

Шусьӧгъяс 25:3

Енэжлысь судтасӧ, мулысь пыдтасӧ да ӧксылысь сьӧлӧмсӧ он вермы тӧдны.

Шусьӧгъяс 22:10

Лӧгалысьӧс вӧтлы, сэки зык-веныд помасяс, лёксьӧмыд да видчӧмыд вунас.

Титлы 3:2

Мед оз омӧльтны некодӧс, зыкӧ оз пырны, лоасны шаньӧсь да быдӧнкӧд рамӧсь.

Римӧ 12:17

Лёк вӧчӧмысь лёкӧн энӧ мынтысьӧй, йӧзыс водзын ставсӧ зільӧй вӧчны веськыда.

Ӧксыяслӧн 1 небӧг 24:11

Тэ аслад синмӧн аддзан, мый талун изкыртаас Господь сетіс тэнӧ менам киӧ. Йӧзӧй корисны вины тэнӧ. Но ме бурсьӧлӧмтчи тэ дінӧ, шуи, мый ог лэпты киӧс аслам ыджыд вылӧ, ӧд сійӧ – Господьлӧн мавтыштӧм морт.