Псалтыр 149:4 - Коми Библия 2023

⁴ Ӧд Господь радейтӧ Ассьыс войтырсӧ, рам сьӧлӧмаясӧс мичмӧдӧ мездмӧмӧн.

Псалтыр 149:4 Referans Kwoze

1 Петыр 3:4

Тіян мед лоӧ пытшкӧсса мичлун: рам да лӧнь сьӧлӧм. Тайӧ мичлуныс бырлытӧм, сійӧ дона Енмыслы.

Софоний 3:17

Господь, тэнад Енмыд, тэ пӧвстын, Сійӧ вына мездыны тэнӧ. Тэ вӧсна Сійӧ кутас долыда нимкодясьны, кыпыда гажӧдчыны. Сійӧ лоӧ бур сьӧлӧма тэ дінӧ, ӧд тэ Сылы муса.

Еремей 32:41

Ме кута нимкодьпырысь вӧчны налы бурсӧ, Ме зумыда вужйӧда найӧс тайӧ муас, и вӧча тайӧс став сьӧлӧмсянь.

Псалтыр 117:2

Израиль войтыр мед шуас: «[Сійӧ бур,] Сылӧн буралӧмыс оз помасьлы».

Исай 61:10

Ме долыда нимкодяся Господь йылысь, менам лолӧй нимкодясьӧ менам Ен йылысь, ӧд Сійӧ пасьтӧдіс менӧ мездмӧмыслӧн паськӧмӧн, вевттис менӧ веськыдлуныслӧн кышанӧн, верӧспулы моз пуктіс менам юр вылӧ мича юрвевттьӧд, гӧтырпуӧс моз мичмӧдіс менӧ мичмӧданторъясӧн.

Шусьӧгъяс 11:20

Наян сьӧлӧма мортыд – Господьлы зывӧк, сӧстӧма олысьыд – шогмана Сылы.

1 Петыр 5:5

Томджыкъяс, кывзысьӧй вичкоса юрнуӧдысьяслысь. Ставныд кывзысьӧй ӧта-мӧдныдлысь да лоӧй рам сьӧлӧмаӧсь, ӧд вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.

Еврейяслы 12:10

Мувывса батьяс чирыштлісны миянӧс ас кӧсйӧм сертиныс регыдик кад кежлӧ, а Енмыс чирыштӧ миянӧс бур вылӧ, медым вӧлім Сы кодь вежаӧсь.

Восьтӧм 7:14

«Ыджыдӧй, тэ ачыд тӧдан», – вочавидзи ме. Сэки сійӧ шуис меным: – Тайӧ йӧзыс мунісны уна сьӧкыд пыр. Найӧ мыськисны паськӧмнысӧ Баля вирӧн, и паськӧмныс лои еджыд.

Сьылан 1:11

– Кор ӧксы пукаліс пызан сайын, месянь чӧскыд нард мавтасӧн ӧвтіс.