Псалтыр 13:3 - Коми Библия 2023

³ Но ставныс кежӧмаӧсь, ӧтитӧг шогмытӧмӧсь, бур вӧчысьыс абу, весиг ӧтик абу.

Псалтыр 13:3 Referans Kwoze

Ездра 9:8

Но дженьыд кад кежлӧ Господь, миян Енным, петкӧдліс Ассьыс буралӧмсӧ миян дінӧ. Сійӧ мездіс миян войтырлысь коляссӧ да лэдзис миянлы бӧр овмӧдчыны Аслас вежа карӧ. Миян Енным сетіс югъявны миян синъяслы, кесйӧг туйын оліганым сетіс миянлы ловзьыштны.

Еремей 51:39

Кор найӧ пузясны, Ме дасьта налы гажӧдчӧм, юктӧда найӧс коддзытӧдзныс, медым найӧ нимкодясисны, сэсся пыр кежлӧ унмовсисны, и эз нин садьмыны, – висьталӧ Господь.

Псалтыр 5:1

Сьылысьясӧн веськӧдлысьлы. Ворсӧны пӧлянӧн. Давидлӧн псалом.

Ӧксыяслӧн 1 небӧг 14:29

«Шог суис тайӧ войтырсӧ батьӧй вӧсна», – майшасис Ионафан. Сэсся шуис: «Видзӧдлӧй, менам синмӧй югзис масӧ видлӧм бӧрын.

Ӧксыяслӧн 1 небӧг 14:27

Ионафан эз кывлы, мый батьыс тшӧктӧма йӧзыслы кыв сетны. Сійӧ нюжӧдіс ассьыс бедьсӧ да чуньыштіс мазі позйысь масӧ. Масӧ видлӧм бӧрын сылӧн синмыс югзис.

Ефесӧ 5:14

Сійӧн и шуӧма: – Садьмы, узьысь, ловзьы кулӧмысь, и тэнӧ югдӧдас Кристос.

Бӧрданкыв 5:1

Господьӧй, эн вунӧд, мый миянкӧд лоис. Видзӧдлы, кутшӧма миянӧс увтыртӧны.

Еремей 51:57

– Ме коддзытӧдзныс юктӧда вавилонса юралысьясӧс, тӧдысьясӧс, ыджыдалысьясӧс да тышкайӧзӧс. Найӧ унмовсясны пыр кежлӧ да оз садьмыны, – висьталӧ Ӧксы, кодлӧн нимыс Господь Саваоф.

Псалтыр 31:7

Тэ – менам сайӧдчаніныс. Тэ видзан менӧ шог дырйи, сетан меным нимкодясьны мездмӧмысь.

Псалтыр 9:13

Сійӧ оз вунӧд виӧмаясӧс, водзӧс перъяс вир кисьтӧмысь, оз вунӧд дзескӧдӧмаяслысь бӧрдӧмсӧ.

Восьтӧм 21:23

Карыслы югзьӧдӧм вылӧ оз ков шонді ни тӧлысь, ӧд Енлӧн дзирдлуныс югзьӧдӧ сійӧс, а сылӧн биыс – Баляыс.

Лука 2:32

ентӧдтӧмъяслы вайӧм югыдтӧ, Тэнад Израиль войтырлы восьтӧм дзирдлунтӧ.