5 Мед яналасны да пышъясны Сионӧс мустӧмтысьяс,
Ошкӧй Господьӧс, ӧд Сійӧ бур. Сьылӧмӧн ошкӧй Сылысь нимсӧ, ӧд Сылӧн нимыс мича.
Господьӧй, ӧксы нимкодясьӧ Тэнад вынӧн, ёна гажӧдчӧ, мый Тэ мездін сійӧс.
Ме восьті Тэныд ассьым олан туйӧс, и Тэ кылін менӧ. Велӧд менӧ Аслад тшӧктӧмъясӧ.
Видзӧдлы Сион кар вылӧ, миян гажӧдчанін вылӧ! Аслад синмӧн тэ аддзан Ерусалим, сійӧ – лӧнь оланін, вӧрзьывлытӧм дӧрачом. Сылӧн сюръяясыс сулалӧны зумыда, сылӧн гезъясыс оз орны.
Ошкӧм Енлы, миян Господь Исус Кристослӧн Батьлы! Сійӧ бурсиӧма миянӧс Кристос пыр Ловсянь быдпӧлӧс бурсиӧмнас, мый эм енэжас.
Найӧ чукӧртчасны да шуасны ӧта-мӧдныслы: «Локтӧй, каямӧй Господьлӧн керӧс вылӧ, Яков Енлӧн крамӧ! Господь индас миянлы Ассьыс туйсӧ, медым ми ветлім Сылӧн туйясӧд». Сионсянь воас Индӧдыс, Ерусалимсянь – Господьлӧн кывйыс.
Налысь мусӧ Сійӧ сетіс Израиль войтырлы, Сылӧн буралӧмыс оз помасьлы.
Тэ сетін сылы, мый сьӧлӧмыс кӧсйис, сылысь корӧмсӧ эн ӧтдорт.
