4 Том пияныд – вына морт киын ньӧвъяс кодьӧсь.
Господьӧй, гажӧд Ассьыд кесйӧгтӧ, Тэныд ме восьта ассьым сьӧлӧмӧс.
Иуда да Израиль войтыр ӧтлаӧ чукӧртчасны, аслыныс ӧти юралысьӧс пуктасны, мунысӧ бӧр босьтасны. Тайӧ луныс Изреельлы лоӧ тӧдчана-ыджыд.
Со, Ме вӧча выльӧс, ӧні сійӧ тыдовтчас – онӧ ӧмӧй тайӧс казялӧй? Ме лӧсьӧда овтӧминын туй, кушинын юяс.
Ме вӧча тадзи: изъя керӧсъяссянь визувтасны юяс, ковтысъясын воссясны ва петанінъяс. Кушин Ме вӧча тыӧн, кос му – ва петанінӧн.
Чотысь пондас кӧр моз чеччавны, сёрнитны вермытӧм морт пондас сьывны. Кушинын воссясны ва петанінъяс, кос му вывті визувтасны шоръяс.
Крамӧ мунігӧн сьылӧм. Соломонлӧн сьыланкыв. Господь кӧ оз лэпты керкатӧ, весьшӧрӧ мырсьӧны керка лэптысьяс. Господь кӧ оз видз картӧ, весьшӧрӧ войсӧ узьтӧг олӧны карсӧ видзысьяс.
ваыс дугдіс визувтны да сувтіс стенӧн ылӧ, Адам кар дорӧ, мый Цартан карсянь матын. А визувтысь ваыс лэччис ковтысса Сола саридзӧ да бырис.
и аддзанныд, – висьталӧ Господь. – Ме бӧр вайӧда тіянӧс пленысь, чукӧрта тіянӧс быд войтыр пӧвстысь, быд муысь, кытчӧ Ме вӧтлі тіянӧс, – висьталӧ Господь, – и бӧр вайӧда сэтчӧ, кытысь Ме мӧдӧді тіянӧс пленӧ.
Воасны лунъяс, – висьталӧ Господь, – кор Ассьым Израиль да Иуда войтыръясӧс Ме бӧр бергӧда пленысь. Господь висьталӧ: Ме бӧр вайӧда найӧс сійӧ муас, мый Ме сеті налӧн батьяслы. Найӧ бара босьтасны сійӧс аслыныс».
