Псалтыр 124:3 - Коми Библия 2023

³ Лёк вӧчысь оз кут ыджыдавны веськыда олысьяслӧн му вылын, медым веськыда олысьяс эз нюжӧдны кинысӧ лёксӧ вӧчны.

Псалтыр 124:3 Referans Kwoze

Ап. уджъяс 9:2

да корис сысянь дамаскса синагогаясӧ гижӧд, медым Исуслы эскысь айуловӧс да аньясӧс позис кӧртавны да вайӧдны Ерусалимӧ.

Матвей 2:16

Ирӧд кор тӧдмаліс, мый тӧдысьяс ылӧдлісны сійӧс, ёна скӧрмис. Сійӧ мӧдӧдіс шыпуртаясӧс, медым виавны Виплием карысь да сы гӧгӧрысь кык арӧса да ичӧтджык пи кагаясӧс, кодъяс чужисны сійӧ кадӧ, мый йылысь тӧдысьяс юӧртісны Ирӧдлы.

Даниил 3:19

Сэки Навукодоносор ёна скӧрмис Шадрак, Мешак да Аведнего вылӧ, сылӧн весиг чужӧмыс вежсис. Сійӧ тшӧктіс ломтыны пач воддза дорысь сизим пӧв жарджыка на.

Псалтыр 57:3

Сьӧлӧманыд ті лёксӧ вӧчанныд, асланыд киӧн виаланныд-дзескӧданныд.

Псалтыр 27:2

Кор ме шыася Тэ дінӧ, кыпӧда киӧс Тэнад вежа крамлань, кыв менсьым кевмӧмӧс.

Еремей 51:34

– Вавилонса Навукодоносор ӧксы сёйис-йирис миянӧс, вӧчис Сионӧс куш дозйӧн. Гундыр моз сійӧ ньылыштіс миянӧс, чӧсмасис миянӧн да тыртіс ассьыс рушкусӧ, а коляссӧ быликтіс.

Шусьӧгъяс 1:12

пыдӧстӧмин моз ньылыштам ловйӧн, ловъявывсьыс сійӧс гуалам.

Псалтыр 83:4

Господь Саваоф, менам Ӧксыӧй да Енмӧй! Тэнад висьпуктанін дорын весиг лэбач аддзӧ аслыс оланін, чикыш вӧчӧ аслыс поз, медым быдтыны сэні пиянсӧ.

Псалтыр 76:10

Енмыс ӧмӧй вунӧдіс Ассьыс буралӧмсӧ, скӧралігас ӧмӧй дзикӧдз тупкис сьӧлӧмсӧ?

Псалтыр 74:8

но Енмыс эм Мыждысьыс: ӧтиӧс Сійӧ лэдзӧ, мӧдӧс – кыпӧдӧ.

Эсфир 3:6

Аман шуис вины Мардокейӧс, но тайӧ вӧлі сылы этша на. Кор сійӧ тӧдмаліс, кутшӧм войтырысь Мардокей, шуис кушӧдз бырӧдны Артаксеркс ӧксы му пасьталаысь иудейясӧс.

Псалтыр 83:5

Шудаӧсь Тэнад керкаын олысьяс, найӧ дугдывтӧг ошкӧны Тэнӧ.