Псалтыр 11:7 - Коми Библия 2023

⁷ Господьлӧн кывъясыс сӧстӧмӧсь, найӧ няйтысь весалӧм эзысь кодьӧсь, сизим пӧв биын сывдӧм эзысь кодьӧсь.

Псалтыр 11:7 Referans Kwoze

Восьтӧм 22:4

Найӧ аддзасны Енлысь чужӧмбансӧ, и Сылӧн нимыс лоӧ налӧн плешканыс.

Псалтыр 17:15

Лэдзис Ассьыс гымньӧвъяссӧ да чардбиӧн сявкйис найӧс енэж пасьталаыс.

1 Петыр 3:12

Ӧд Господьлӧн синмыс видзӧдӧ веськыда олысьяс вылӧ, Сылӧн пельыс кылӧ налысь кевмӧмсӧ, а лёк вӧчысьяслы Господь паныд сувтӧ, медым бырӧдны найӧс му вывсьыс.

Псалтыр 45:7

Войтыръяс шызьӧны, юралӧмъяс киссьӧны, муыс сыркмунлӧ Медвылыссалӧн гӧлӧс шыысь.

Иов 36:7

Веськыда олысьяс вылысь Сійӧ синсӧ оз вештыв, пуксьӧдӧ найӧс юравны ӧксыяскӧд, вылӧ кыпӧдӧ найӧс пыр кежлӧ.

1 Иоан 3:2

Мусаясӧй, ӧні ми Енлӧн ныв-пи, а кодӧн лоам, эз на воссьы. Тӧдам сӧмын, кор воссяс, лоам Сы кодьӧсь, ӧд сэки аддзам Сійӧс сэтшӧмӧн, кутшӧм Сійӧ эм.

Псалтыр 42:5

Мыйла шогсян да майшасян, менам лолӧй? Лача кут Ен вылӧ! Ме кута на ошкыны Сійӧс, ассьым Енмӧс да Мездысьӧс. Ошкӧм.

Псалтыр 34:15

А кор ме крукасьлі, найӧ ӧтув чукӧртчӧмӧн нимкодясисны. Ӧтвыв сёрнитчӧмӧн найӧ дугдывтӧг лёкӧдісны менӧ, и мыйысь – ог тӧд,

Псалтыр 33:18

Кор веськыда олысьяс шыасьӧны Господь дінӧ, Сійӧ кылӧ найӧс да мездӧ став налӧн шогсьыс.

Псалтыр 99:4

Локтӧй Сылӧн дзиръяяс дорӧ Сійӧс аттьӧалӧмӧн, пырӧй Сылӧн йӧрӧ Сійӧс ошкӧмӧн. Аттьӧалӧй Господьӧс, ошкӧй Сылысь нимсӧ,

Псалтыр 33:5

Ме шыаси Господь дінӧ, и Сійӧ вочавидзис меным, Сійӧ мездіс менӧ став полӧмысь.

Псалтыр 21:6

Найӧ горзӧмӧн шыасисны Тэ дінӧ, и мездмисны, Тэ вылӧ лача кутісны, и некор эз янавлыны.

Псалтыр 5:12

Тэ вылӧ лача кутысьяс мед нимкодясясны, найӧ мед помтӧг гажӧдчасны. Тэ доръян найӧс, кодъяслы муса Тэнад нимыд, и найӧ кутасны ошйысьны Тэӧн.

Исай 61:8

– Ме, Господь, Ме радейта веськыда мыждӧм, мустӧмта мырддялӧм да лёк вӧчӧм. Ме мынтыся Аслам войтырлы збыльыс серти, Ме кӧртала накӧд бырлытӧм йитӧд.

Псалтыр 146:8

Сійӧ вевттьӧ енэжсӧ кымӧръясӧн, мӧдӧдӧ му вылӧ зэр, керӧсъяс вылын быдтӧ турун [и мортлы сетӧ нянь].

Псалтыр 7:9

Господь мыждӧ войтыръясӧс. Мыжды менӧ, Господьӧй, менам веськыдлун да мыжтӧмлун серти.

Псалтыр 7:11

Енмыс – менам сайӧдыс, Сійӧ мездӧ веськыд сьӧлӧмаясӧс.

Псалтыр 45:8

Господь Саваоф миянкӧд, Яковлӧн Енмыс – миянӧс Дорйысьыс.

Шусьӧгъяс 15:9

Лёк вӧчысьлысь туйсӧ Господь зывӧктӧ, веськыдлунсӧ корсьысьӧс Сійӧ радейтӧ.