Псалтыр 105:43 - Коми Библия 2023

⁴³ Господь унаысь мездыліс найӧс, но найӧ кыпӧдчисны Сылы паныд, асныралӧмнас вӧйисны мыжас.

Псалтыр 105:43 Referans Kwoze

Исай 35:10

Господьлӧн мездмӧмаяс бӧр бергӧдчасны, гораа нимкодясьӧмӧн локтасны Сион керӧс вылӧ, налӧн юр весьтын лоӧ помасьлытӧм нимкодясьӧм. Найӧ пондасны нимкодясьны да гажӧдчыны, а шогсьӧмыс да ышлолалӧмыс ылыстчас на дінысь.

Ап. уджъяс 13:17

Израиль войтырлӧн Ен бӧрйис миянлысь батьяснымӧс, рӧдмӧдіс тайӧ войтырсӧ Египет муын да вына кинас петкӧдіс найӧс сэтысь.

Ап. уджъяс 7:36

Мӧисей петкӧдіс Израиль войтырӧс Египетысь. Уна шензьӧданатор да индысьпас сійӧ вӧчис Египет муын, Гӧрд саридз вуджигӧн да нелямын во чӧж овтӧминын ветлӧдлігӧн.

Исай 55:12

Ті мунанныд нимкодясьӧмӧн, тіянӧс колльӧдасны лӧня. Керӧсъяс да мылькъяс пондасны нимкодясьны тіян водзвылын, видзвывса пуяс коръяснас пондасны долыда швачӧдчыны.

Олӧм 15:16

Сӧмын нёльӧд чужанвужйын тэсянь чужысьяс бӧр локтасны татчӧ, ӧд аморейяслӧн мыж лыдыс эз на тыр».

Петӧм 14:8

Господь чорзьӧдіс фараонлысь, египетса ӧксылысь, сьӧлӧмсӧ [да сылӧн киподувса йӧзлысь сьӧлӧмнысӧ]. Фараон уськӧдчис вӧтӧдны Израиль пиянӧс, а Израиль пиян Господьлӧн нуӧдӧм улын мунісны водзӧ.

Нав Исус 24:5

Ме сувтӧді Мӧисейӧс да Ааронӧс, дойді Египетӧс да петкӧді сэтысь тіянӧс.

Ёрдысьяс 6:9

Ме мезді тіянӧс египетсаяслӧн да тіянӧс дзескӧдысьяслӧн кипод улысь. Ме вӧтлі вӧрӧгнытӧ тіян водзысь да сеті налысь мусӧ тіянлы.

Псалтыр 105:6

Асланым батьяс моз ми мыж вӧчим, кежим веськыдлунсьыс да вӧчим лёксӧ.

Псалтыр 106:5

Найӧ пыкисны тшыглун да горш косьмӧм, найӧ дзикӧдз нюкыртчисны.