Псалтыр 105:16 - Коми Библия 2023

¹⁶ Асланыс чомъясын найӧ пондісны вежавны Мӧисейлы да Ааронлы, Господьлӧн вежа мортлы.

Псалтыр 105:16 Referans Kwoze

Езекиль 4:16

Господь шуис меным: «Морт пиӧй, Ме мырддя ерусалимса олысьяслысь няньсӧ. Няньторсӧ найӧ кутасны сёйны веситӧмӧн да майшасьӧмпырысь, васӧ кутасны юны мурталӧмӧн да полӧмпырысь.

Исай 3:1

Со, Ыджыдыс, Господь Саваоф мырддяс Ерусалимлысь да Иудалысь ставсӧ, мый вылӧ найӧ лача кутӧны: став чукӧртӧм няньсӧ да заптӧм васӧ,

Олӧм 41:54

Пуксис сизим тшыгъялан во, кыдзи висьтавліс Ӧсип. Египетын вӧлі нянь, а мукӧд муясын вӧлі тшыгъялӧм.

Левит 26:26

Ме мырддя тіянлысь няньнытӧ. Ӧти пач дорын дас ань кутасны пӧжасьны, няньсӧ веситӧмӧн кутасны юклыны. Ті кутанныд сёйны, но онӧ пӧтӧй.

Ап. уджъяс 7:11

Тшыгъялӧм да ыджыд шог сэки суис став Египетсӧ да Ханаан мусӧ. Миян батьяслы нинӧм вӧлі сёйнысӧ.

Псалтыр 104:15

«Энӧ вӧрӧдӧй Менсьым мавтыштӧмаясӧс, Менам пророкъяслы энӧ вӧчӧй лёксӧ».

Ӧксыяслӧн 4 небӧг 8:1

Елисей шуис аньлы, кодлысь писӧ сійӧ ловзьӧдіс: «Мун гортсаясыдкӧд Израиль муысь мӧдлаӧ, ӧд Господь ыстас тайӧ муас тшыгъялӧм сизим во кежлӧ».

Олӧм 47:13

Быдлаын ёна тшыгъялісны, ӧд му вылын эз вӧв няньыс. Египет да Ханаан муясын тшыгъялӧмыс уськӧдіс йӧзсӧ кок йывсьыныс.

Восьтӧм 6:8

Ме видзӧдлі да аддзи быгалӧм рӧма вӧлӧс да сы вылын пукалысьӧс, кодлӧн нимыс вӧлі Кулӧм. Сы бӧрся вӧтчис ачыс Адыс. Налы вӧлі сетӧма ыджыдавны мулӧн нёльӧд юкӧныс вылын: виавны йӧзсӧ шыпуртӧн да тшыгйӧдӧмӧн, кулана висьӧмъясӧн да зверъяс отсӧгӧн.

Аггей 2:17

Сотысь тӧвруӧн, висьӧмӧн да шерӧн Ме бырӧдлі тіян видз-му вылысь няньнытӧ да став быдтаснытӧ, но ті энӧ бергӧдчӧй Ме дінӧ, – висьталӧ Господь.

Амос 3:6

Карас кӧ кылӧ буксан шы, войтырыс ӧмӧй оз повзьы? Суас-ӧ карӧс шог, оз кӧ Господь тайӧс лэдз?

Олӧм 47:19

Мыйла миянлы кувнысӧ тэнад син водзын? Мыйла миян муяслы эндынысӧ? Ньӧб миянӧс да миянлысь муяснымӧс, а та пыдди сет миянлы нянь. Асланым муяснаным ми лоам кесйӧг туйынӧсь фараонлы. А тэ сет миянлы кӧйдыс, медым ми ловйӧн колим да эгӧ кулӧй, и медым муясным эз эндыны».