Псалтыр 104:5 - Коми Библия 2023

^5-6 Ті, Ӧвраамсянь чужысьяс, Господьлӧн кесйӧгъяс, Яковлӧн пиян, Господьлӧн бӧрйӧмаяс, энӧ вунӧдӧй Сылысь шензьӧданаторъяссӧ, индысьпасъяссӧ да веськыда мыждӧмсӧ.

Псалтыр 104:5 Referans Kwoze

Иов 26:7

Енмыс шевкнитіс войвывсӧ нинӧм весьтас, ӧшӧдіс мусӧ абутӧмас.

Псалтыр 24:2

Енмӧй, Тэ вылӧ лача кута да ог янав. Вӧрӧглы Тэ он сет нимкодясьны менӧ вермӧмысь.

Псалтыр 33:9

Тӧдмалӧй Господьӧс, и аддзанныд, кутшӧм Сійӧ бур! Шуда сійӧ мортыс, коді лача кутӧ Господь вылӧ.

Псалтыр 96:10

Господьӧс радейтысьяс, мустӧмтӧй лёксӧ! Сійӧ видзӧ Аслас эскана войтырлысь олӧмсӧ, мездӧ найӧс лёк вӧчысьяслӧн киысь.

Восьтӧм 20:11

Сэсся ме аддзи ыджыд да еджыд юралан пуклӧс да сы вылын Пукалысьӧс. Енэжыс да муыс пышйисны Сылӧн син водзысь, но налы некытчӧ вӧлі дзебсьынысӧ.

2 Петыр 3:10

Господьлӧн луныс воас виччысьтӧг, войся гусясьысь моз. Сэки енэжыс ыджыд шыӧн бырас, став ентыкӧлаыс ыпъялана биысь пазалас, а муыс да ставыс, мый сэні эм, сотчас.

Псалтыр 136:6

Ерусалим, ме кӧ вунӧда тэнӧ, ме кӧ ог кут нимкодясьны тэӧн, менам кывйӧй мед косьмас.

Псалтыр 93:1

Господьӧй, Тэ – водзӧс перйысь Ен. Водзӧс перйысь Енмӧй, петкӧдчы дзирдлуннад!

Восьтӧм 6:14

Енэжыс гартыштчис тубрасӧ да саяліс, а керӧсъяс да діяс вешйисны асланыс местаысь.

Еклесиаст 1:4

Ӧтияс мунӧны тайӧ олӧмсьыс, мӧдъяс чужӧны, а муыс сулалӧ нэмъяс чӧж.

Ӧксыяслӧн 1 небӧг 2:8

Коньӧрӧс Сійӧ лэптӧ бус пытшкысь, гӧльӧс перйӧ няйтысь, пуксьӧдӧ найӧс ыджыдалысьяскӧд орччӧн, сетӧ налы нималана пуклӧс. Господь кутӧ мулысь подувсӧ, сы вылӧ пуктӧма муюгыдсӧ.

Шусьӧгъяс 8:29

кор саридзлы тшӧктіс кутны васӧ, пуктіс муыслы подувсӧ.