Псалтыр 102:15 - Коми Библия 2023

¹⁵ Мортлӧн олӧмыс – турун кодь, сійӧ дзоридзалӧ видзвывса дзоридз моз.

Псалтыр 102:15 Referans Kwoze

Ӧксыяслӧн 3 небӧг 8:43

сэки Тэ кыв сійӧс енэжсяньыд, Аслад оланінсянь. Кора Тэнӧ, вӧч йӧз муысь локтысьлӧн кевмӧм серти, медым мувывса войтыръяс тӧдісны Тэнсьыд нимтӧ да Тэнад Израиль войтырыд моз полісны-вежавидзисны Тэысь. Сэки найӧ тӧдмаласны, мый Тэнад нимлы сиӧма тайӧ крамсӧ, мый ме лэпті.

Псалтыр 138:4

Ме ог на удит вомӧс восьтны, но Тэ, Господьӧй, тӧдан нин, мый кӧсъя шуны.

Восьтӧм 11:15

Кор сизимӧд анделыс тутсіс трубаӧ, енэжас кылісны гора шыяс. Найӧ шуалісны: – Став муюгыдыс лои миян Господьлӧн да Сылӧн Мавтыштӧмалӧн юраланінӧн. Сійӧ кутас юравны нэмъяс чӧж!

Псалтыр 72:11

Найӧ шуалӧны: «Кытысь Енмыс тӧдмалас? Медвылыссаыс ӧмӧй тӧдӧ та йылысь?»

Восьтӧм 21:24

Мездмӧм войтыръяс кутасны овны сылӧн югыдас. Мувывса ӧксыяс ваясны тайӧ карас ассьыныс ошйысян-нимӧданторнысӧ.

Исай 55:5

Ті чукӧстанныд ас дінаныд войтырӧс, кодӧс водзынджык энӧ тӧдлӧй. Войтыръяс, кодъяс эз тӧдлыны тіянӧс, тэрмасьӧмӧн локтасны тіян дінӧ Господь Енныд вӧсна, Израильлӧн вежа Ен вӧсна, ӧд Сійӧ нимӧдіс тіянӧс.

Неемий 1:4

Тайӧс кылӧм бӧрын ме пукси да бӧрддзи. Некымын лун чӧж ме шогалі да видзалі-кевмыси енэжвывса Ен водзын.

Неемий 2:3

Полӧмпырысь вочавидзи сылы: «Кузь нэм ӧксылы! Кыдзи нӧ ме верма дзебны шогсьӧмӧс, кор кисьтӧма карсӧ, кытчӧ дзебӧма менсьым батьясӧс, да сотӧма карыслысь дзиръяяссӧ».

Неемий 2:17

Ме шуи налы: «Ті аддзанныд, мый миянӧс суис: Ерусалим карнымӧс кисьтӧма, сылысь дзиръяяссӧ сотӧма. Выльысь лэптам карлысь стенъяссӧ, вештам ас вылысь янӧдӧмсӧ».