Псалтыр 1:3 - Коми Библия 2023

³ Сійӧ лоӧ визув ю дорын быдмысь пу кодь, ас кадӧ вайӧ вотӧс, сылӧн коръясыс оз косьмыны. Быд удж сылӧн кутас артмыны.

Псалтыр 1:3 Referans Kwoze

Еремей 17:8

Сійӧ лоӧ ва дорын быдмысь пу кодь, визув ю дорӧ вужъясьӧм пу кодь, сійӧ оз пов шонді пӧжӧмысь, сылӧн коръясыс пыр вежӧсь, зэртӧм кадӧ сійӧ оз майшась, оз дугды вайны вотӧс.

Езекиль 47:12

Ю ӧтар-мӧдар пӧлӧныс кутасны быдмыны быдсяма вотӧса пуяс. Налӧн коръясыс оз косьмыны, и налӧн вотӧсыс оз бырлы. Пуясыс быд тӧлысь вайӧны вотӧс, ӧд найӧс юкталӧ вежаинсянь визувтысь ва. Тайӧ пуяслысь вотӧссӧ кутасны сёйны, а корнас бурдӧдчыны».

Иоан 15:6

Коді оз ло Ме пытшкын, увйӧс моз сійӧс шыбитасны ортсӧ, кӧні сійӧ косьмас. А косьмӧм увъястӧ чукӧртӧны да шыбитӧны биӧ.

Езекиль 19:10

Тэнад мамыд вӧлі виноград пу кодь, уна вожа да бур вотӧса, ӧд ыджыд ва дорӧ сійӧс вӧлі пуктӧма.

Олӧм 39:23

Дзескыдінса юралысь эз тӧждысь нинӧм вӧсна, мый вӧлі сетӧма Ӧсип киӧ, ӧд Господь вӧлі Ӧсипкӧд да бурсиис сылысь став уджсӧ.

Восьтӧм 22:2

Карлӧн паськыд туй шӧрас, ю ӧтар-мӧдар бокас, быдмис Олӧмыслӧн пу, коді вайӧ вотӧссӧ быд тӧлысь, вонас – дас кыкысь. Сылӧн коръясыс бурдӧдӧны войтыръясӧс.

Езекиль 17:8

Виноградсӧ вӧлі пуктӧма бур муӧ, ыджыд ва бокӧ, медым сійӧ выль вож сетас да уна вотӧс ваяс, медым бур виноград пуӧн лоас.

Матвей 13:6

Петас шонді, пӧжны пондас, и омӧль вужъя петасыд косьмас.

2 Каднебӧг 31:21

Мыйӧ сійӧ босьтчыліс Енлӧн крамын кесъялӧм могысь, Индӧд да тшӧктӧмъяс збыльмӧдӧм могысь, ставсӧ вӧчис Енсӧ сьӧлӧмсяньыс корсьӧмӧн. Та вӧсна сылӧн ставыс артмис.

Олӧм 39:3

и ыджыдыс аддзис, мый Господь Ӧсипкӧд да бурсиӧ сылысь став уджсӧ.

Псалтыр 128:2

том кадсянь менӧ ёна дзескӧдісны, но менӧ эз вермыны.

Исай 3:10

Висьталӧй веськыда олысьлы, мый сылы бур лоӧ, ӧд сійӧ кутас нимкодясьны аслас уджъяслӧн вотӧснас.

Исай 44:4

Найӧ кутасны быдмыны юдорса эжӧр пытшкын быдмысь бадь моз.

Иов 14:9

но сюрӧ кӧ сылы ватор, сійӧ вежӧдас, том пу моз лэдзас выль вожъяс.

Матвей 21:34

Вотӧс чукӧртан кадӧ овмӧс кутысь мӧдӧдас кесйӧгъяссӧ босьтны чукӧртӧм вотӧсысь ассьыс пайсӧ.

Матвей 21:19

Туй дорсьыс Сійӧ аддзис инжир пу. Матыстчис да аддзис сы вылысь сӧмын коръяссӧ. Исус шуис пуыслы: «Пыр кежлӧ вотӧстӧг колян». Инжир пуыс пырысь-пыр косьмис.

Иуда 1:12

Кор ті мусапырысь чукӧртчанныд ӧтвыв сёйны, татшӧм йӧзыс яндысьтӧг тшӧгӧдӧны асьнысӧ да лоӧны тіянлы крукӧдӧн. Найӧ – тӧвнырӧн новлӧдлан ватӧм кымӧръяс, вотӧс вайтӧм арся пуяс, вужнас нетшыштӧмаяс, кык пӧв кулӧмаяс.

Исай 27:11

Пуяс косьмасны, локтасны аньяс, чегъяласны увъяссӧ да сотасны найӧс. Тайӧ войтырыс мывкыдтӧм, та вӧсна найӧс Вӧчысь оз бурсьӧлӧмтчы на дінӧ, Сійӧ оз бурав на дінӧ.

Матвей 21:41

Сылы вочавидзисны: «Тайӧ лёк йӧзсӧ сійӧ лёкнога виас. Виноград йӧрсӧ кӧртымӧ сетас мукӧдлы, кодъяс индӧм кадӧ сетасны сылы вотӧсысь пайсӧ».

1 Каднебӧг 22:11

Господь мед лоас тэкӧд, пиӧй! Сэки тэнад ставыс артмас, и тэ лэптан крам Господьлы, аслад Енлы, Сылӧн водзвыв висьталӧмыс серти.

Псалтыр 129:8

Сійӧ мездас Израиль войтырӧс став мыжсьыс.

2 Каднебӧг 32:23

Унаӧн вайисны Ерусалимӧ Господьлы вайӧмторъяс да иудаса Езекей ӧксылы дона козинъяс. Тайӧ кадсяньыс Езекей пондіс нимавны став войтыръяс пӧвстын.

Лыд 24:6

Чомъясныд паськӧдчӧны ковтысъяс моз, юбокса сад йӧръяс моз, Господьӧн пуктӧм алоэ пуяс моз, вадорса сус пуяс моз.

Индӧд 28:8

Господь бурсиас тіянӧс да тіянлысь нянь йӧртӧднытӧ. Господь, тіян Енныд, бурсиас тіянӧс быд уджын сійӧ муас, мый сетас тіянлы.

Ӧксыяслӧн 4 небӧг 18:7

Господь вӧлі Езекейкӧд, та вӧсна сылӧн ставыс артмис. Езекей кыпӧдчис ассурса ӧксылы паныд да дугдіс сылы кесъявны.

1 Каднебӧг 22:13

Тэ кӧ кутан овны индӧд-тшӧктӧмъяс серти, мый Господь сетіс Израиль войтырлы Мӧисей пыр, сэки тэнад ставыс артмас. Ло зумыд да повтӧм! Эн пов, эн майшась!

Иов 22:28

Мый шуан вӧчны, сійӧ артмас, туй вылад кутас ӧзйыны югыд би.

Исай 58:11

Господь пыр кутас нуӧдны тэнӧ. Кос кадӧ Сійӧ пӧткӧдас тэнӧ, ёнмӧдас тэнсьыд вир-яйтӧ. Тэ лоан киськалӧм сад йӧр кодь, пыр визувтысь ва петанін кодь.

Езекиль 31:5

Та вӧсна сус пу быдмис, мукӧд пуясысь лои джуджыд. Сылӧн быдмис уна вож, увъясыс нюжалісны, ӧд сылы тырмымӧн вӧлі ваыс.