Biblia Todo Logo
Bib sou entènèt

- Piblisite -




Псалтыр 1:1 - Коми Библия 2023

1 Шуда сійӧ, коді оз ов лёк вӧчысь моз, оз ветлы мыжаяслӧн туйӧд, оз пукав Енсӧ омӧльтысьяслӧн чукӧрын.

Gade chapit la Kopi




Псалтыр 1:1
52 Referans Kwoze  

Кӧсйӧмыд кор збыльмӧ, сьӧлӧмыд нимкодясьӧ, вежӧртӧм оз кӧсйы эновтны лёксӧ.


Ме эг пукавлы сералысьяслӧн чукӧртчанінын, эг гажӧдчыв накӧд ӧтвыв. Ме пукавлі ӧтнамӧн, ӧд Тэнад киыд личкис менӧ, Тэ тыртін менӧ скӧрлунӧн.


Исус шуис: «Шудаӧсь Енлысь кывсӧ кылысьяс да Ен кыв серти олысьяс!»


Господь тӧдӧ веськыда олысьяслысь туйсӧ, а лёк вӧчысьяслӧн туйыс нуӧдӧ кулӧмӧ.


Пиӧй, эн мун накӧд, налӧн туй вылӧ весиг кок пӧвнад эн тувччы.


Найӧс мед тӧдлытӧг суас бырӧдӧмыс, найӧ мед асьныс шедасны меным пуктӧм налькйӧ, усясны асланыс гуӧ.


Аллилуйя! Господьлӧн кесйӧгъяс, ошкӧй Господьлысь нимсӧ!


Бурмӧд сьӧлӧмтӧ Господьӧн, и Сійӧ збыльмӧдас тэнсьыд сьӧлӧм кӧсйӧмтӧ.


Лёк йӧзлӧн шудыс абу асланыс киын. Лёк вӧчысьлӧн мӧвпъясыс мед ылыстчасны ме дінысь!


Та вӧсна босьтӧй Енсянь став вермасянторсӧ, медым тышкасиганыд верминныд водзсасьны лёкыслы паныд да петны вермысьясӧн.


Менам сьӧлӧмӧй оз йитчы накӧд, ог кӧсйы лоны налӧн чукӧрас, ӧд скӧрйывсьыс найӧ виисны мортӧс, тешитчигмоз вундалісны ӧшлысь сӧнъяссӧ.


Бурсиӧма сійӧ мортсӧ, коді лача кутӧ Господь вылӧ, кодлӧн мыджӧдыс – Господь.


Мывкыд мортлӧн туйдӧдӧмыс вайӧ олӧм, ылыстӧ кулӧмыслӧн тывйысь.


чукӧртіс быд му пельӧсысь: асыввылысь и рытыввылысь, войвылысь и саридз дорысь.


Эн сет менӧ налӧн киӧ, ӧд найӧ ылӧг висьталӧны ме йылысь, кӧсйӧны вины-дзескӧдны менӧ.


Мывкыдлуныс мездас тэнӧ лёк туйысь, видзас тэнӧ ылӧг вома мортысь,


Лёк вӧчысьлӧн туйыс – пемыдсьыс-пемыд, сійӧ оз тӧд кытчӧ крукасяс.


Омӧльтысьясӧс Господь омӧльтӧ, а рамъяс дінӧ Сійӧ буралӧ.


Шудаӧсь найӧ, кодъяс олӧны Енлӧн тшӧктӧм серти, ӧд Енмыс сетас налы пӧткӧдчыны Олӧмыслӧн пуысь да пырны тайӧ карас дзиръяӧдыс.


[Пиӧй!] Тэ кӧ мывкыд морт, тэныд [да матыссаыдлы] таысь бур, мывкыдлунсӧ кӧ омӧльтан, ачыд сьӧкыдсӧ нуан. [Ылӧдчысьлӧн сёрниыс – тӧв пӧльыштӧм кодь, лэбач бӧрся вӧтлысьӧм кодь, ӧд сійӧ эновтӧ виноград йӧрӧ нуӧдан туйсӧ, вошӧ да ассьыс видз-мусӧ оз аддзы. Сійӧ ватӧм овтӧминті ветлӧ, косьмӧм муяс вуджӧ, абутӧмторсӧ чукӧртӧ.]


Збыльыс кыпӧдчӧ мусянь, веськыдлуныс видзӧдӧ енэжсянь.


Эскӧм пыр Кристос восьтіс миянлы Енлӧн буралӧмӧ ӧдзӧссӧ. Буралӧмас олігӧн ми лача кутӧмӧн нимкодясям, ӧд лоам Енлӧн дзирдлунас.


Господьӧй, ставныс видзӧдӧны Тэ вылӧ лача кутӧмӧн, Тэ сетан налы сёянсӧ ас кадӧ.


Исус шуис сылы: «Тэ эскан, Менӧ аддзылін да. Шудаӧсь найӧ, кодъяс оз аддзыны, но эскӧны!»


«Дыр-ӧ на ті, мывкыдтӧмъяс, кутанныд овны мывкыдтӧма, ті, омӧльтысьяс, – омӧльтны мывкыдлунсӧ, а ті, вежӧртӧмъяс, – мустӧмтны тӧдӧмлунсӧ?


Водзынсӧ ті вӧчинныд ентӧдтӧмъяс моз: олінныд лэдзчысьӧмӧн да лёк кӧсйӧмныд серти, кырсалінныд, кодалінныд-гажӧдчинныд да юрбитінныд зывӧк идолъяслы. Пӧттӧдз нин тіян тадзисӧ олӧма.


Тайӧс кӧ тӧданныд да та серти оланныд, ті шудаӧсь.


Сійӧ пӧткӧдӧ ыж-мӧскӧс, вердӧ кравзысь кырныш пиянӧс.


Вылӧ пуктӧй Писӧ, медым Сійӧ эз скӧрмы, и медым ті энӧ кулӧй туй выланыд, ӧд Сылӧн скӧрлуныс регыд нин ыпнитас. Шудаӧсь Сы вылӧ лача кутысьяс.


Миян Господьным ыджыд да вына, Сылӧн мывкыдлуныс пыдӧстӧм.


Сійӧ вӧчис сійӧ жӧ мыжъяссӧ, мый вӧчліс Неватлӧн Еровам пиыс. Но тайӧ вӧлі этша на. Сійӧ босьтіс гӧтырӧ сидонса Этваал ӧксылысь Езавель нывсӧ да кутіс кесъявны-юрбитны Вааллы.


Израиль, тэ шуда, тэ кодь мӧд войтырыс абу, тэ – Господьӧн мездӧм войтыр. Сійӧ – сайӧдыс, мый видзӧ тэнӧ, шыпуртыс, мый тышын вермӧ. Вӧрӧгыд кутас леститчыны тэ водзын, а тэ кокнад сы вылӧ тувччан.


Овтӧминын Ме шуи налӧн ныв-пилы: батьясныдлӧн кок туйӧд энӧ мунӧй, налӧн тшӧктӧмъяс серти энӧ олӧй да налӧн идолъясӧн асьнытӧ энӧ пежалӧй.


Мывкыдлунсӧ омӧльтысьӧс мыждӧм виччысьӧ, мывкыдтӧмлысь мышкусӧ – орс.


Енмӧй, Тэнӧ ошкӧны Сионын, вайӧны Тэныд кыв сетан висьяс [Ерусалимын].


Но ме кӧ олі ылӧдчӧмӧн, менам кокӧй кӧ тэрмасис пӧръясьны,


Тэныд ӧмӧй нимкодь дзескӧдны менӧ, ӧтдортны Ассьыд вӧчӧмтортӧ, а лёк йӧзлысь туйсӧ югдӧдны?


Енок кывзысис Енлысь став олӧм чӧжыс. Сэсся сійӧ эз ло, ӧд Енмыс босьтіс сійӧс Ас дінас.


Ахазий ветліс Ахав рӧдлӧн туйӧд, ӧд сылӧн мамыс веськӧдіс сійӧс лёкас.


Исус шуис Петырлы: «Тэ шуда, Симон, Ионалӧн пи. Ӧд тайӧс тэныд эз морт висьтав, но Менам енэжвыв Батьӧй восьтіс тэныд.


Пемӧсӧс, кодлӧн гыжйыс вожа да коді рӧмидзтӧ, позьӧ сёйны.


Swiv nou:

Piblisite


Piblisite