Петӧм 9:23 - Коми Библия 2023

²³ Мӧисей лэптіс бедьсӧ енэжлань, и Господь мӧдӧдіс став Египет му вылӧ чардби, гым да шер.

Петӧм 9:23 Referans Kwoze

Псалтыр 18:13

Коді казялас ассьыс мыжъяссӧ? Господьӧй, весав менӧ гуся мыжъясысь,

Нав Исус 10:11

Кор найӧ израильса тышкайӧзысь пышйигӧн лэччисны Бет-Хорон керӧс вылысь, Господь шыблаліс на вылӧ енэжсянь гырысь йиа шер. Тадзи вӧлі Азека карӧдз став туй чӧжныс, и унаӧн кулісны. Унджыкыс кулісны эз израильсаяслӧн шыпурт помысь, а гырысь йиа шер улӧ веськалӧмысь.

Езекиль 38:22

Ме мыжда Гогӧс да сылысь тышкайӧзсӧ. Мӧдӧда на вылӧ пӧрӧс висьӧм да кисьта налысь вирсӧ. Гог вылӧ, сылӧн тышкайӧз вылӧ да сыкӧд локтӧм войтыръяс вылӧ Ме кисьта сувтса зэр, йиа шер, би да тэг.

Исай 30:30

Господьлӧн вына шыыс грымӧбтас, Сійӧ петкӧдлас Ассьыс вына кисӧ, Сылӧн скӧрлуныс лоӧ вывті яр, ставсӧ сотысь би кодь, бушков да сувтса зэр кодь, гырысь шер кодь.

Восьтӧм 8:7

Кор медводдза анделыс тутсіс трубаӧ, му вылӧ киссис вир сора биа шер. Сэки сотчис пуяслӧн коймӧд юкӧныс да став веж туруныс.

Псалтыр 148:8

Ошкӧй Сійӧс, би и шер, лым и ру, ошкы, Сылӧн тшӧктӧм серти пӧльтысь ыджыд тӧвныр!

Псалтыр 77:18

Найӧ тӧдӧмӧн дӧзмӧдісны Енсӧ, корисны Сылысь сёян сьӧлӧм сертиныс.

Псалтыр 29:3

Господьӧй, менам Енмӧй, ме шыаси Тэ дінӧ, и Тэ бурдӧдін менӧ.

Восьтӧм 16:21

Йӧзыс вылӧ енэжсянь киссис зэв гырысь шер, шер тусьыс сьӧктанас вӧлі комын кило мында. Йӧзыс лёкӧдісны Енсӧ тайӧ шерсьыс, ӧд тайӧ бырӧданторйыс вайис налы уна сьӧкыдлун.

Петӧм 20:18

Став войтырыс аддзис гымалӧм-чардалӧм да тшынасьысь керӧс, кыліс буксан шы. Тайӧс аддзӧмысь найӧ бӧрыньтчӧмӧн сувтісны ылӧджык.

Петӧм 19:16

Коймӧд луннас водз асывсянь гымаліс-чардаліс, Синай керӧс вевттьысис сук кымӧрӧн, кыліс горасьыс-гора буксан шы. Чомъяс дінын став войтырыс полӧмысла тіраліс.

Восьтӧм 16:18

Сэсся кутіс чардавны-гымавны, кылісны гора шыяс, и муыс кутіс ёна вӧрны. Олӧм пуксьӧмсяньыс та ыджда му вӧрӧмыс некор на эз вӧвлы!

Олӧм 19:24

Сэки Господь кисьтіс енэжсянь Содом да Гомора вылӧ тэгъя-биа зэр,

Петӧм 9:18

Аски тайӧ кадас Египет вылӧ Ме кисьта зэв чорыд шер. Татшӧм шерыс ӧнӧдз на эз вӧвлы Египет муын.

Петӧм 9:24

Чардаліс, му вылӧ киссис шер. Татшӧм чорыд шерыс египетса войтырлӧн эз на вӧвлы.

Иов 37:13

Енмыс ыстӧ найӧс, медым мыждыны мусӧ, и ыстӧ, медым бурсьӧлӧмтчыны.