Петӧм 9:22 - Коми Библия 2023

²² Господь шуис Мӧисейлы: «Лэпты китӧ енэжланьыс, сэки став Египет му вылӧ, йӧз вылӧ, ыж-мӧс вылӧ и быдмӧг-турун вылӧ киссяс шер».

Петӧм 9:22 Referans Kwoze

Восьтӧм 16:21

Йӧзыс вылӧ енэжсянь киссис зэв гырысь шер, шер тусьыс сьӧктанас вӧлі комын кило мында. Йӧзыс лёкӧдісны Енсӧ тайӧ шерсьыс, ӧд тайӧ бырӧданторйыс вайис налы уна сьӧкыдлун.

Петӧм 8:16

Господь шуис Мӧисейлы: «Тшӧкты Ааронлы нюжӧдны бедьсӧ да вачкыны муас, сэки став Египет му пасьтала мувыв бусыс пӧрас гебйӧ. [Войтыр вылӧ, ыж-мӧс вылӧ да фараон вылӧ сатшкысясны гебъяс. Фараонлӧн да сылӧн йӧзыслӧн керканыс тырас гебйӧн.]»

Петӧм 8:5

Господь шуис Мӧисейлы: «Тшӧкты Аарон вокыдлы босьтны киас бедьсӧ да нюжӧдны сійӧс юяслань, писькӧдӧм шоръяслань да ва гӧпъяслань. Тадзи сійӧ петкӧдас жабаясӧс Египет му вылӧ».

Петӧм 7:19

Господь шуис Мӧисейлы: «Тшӧкты Аарон вокыдлы босьтны киас бедьсӧ да нюжӧдны сійӧс египетса ваяслань – юяс, шоръяс, тыяс да быдсикас ва видзанінъяслань. Египет пасьтала ваыс лоӧ вирӧн, тадзи лоӧ весиг пуысь да изйысь вӧчӧм дозъясын».

Петӧм 9:21

Но кодлы веськодь вӧлі Господьлӧн кывйыс, сійӧ колис ассьыс кесйӧгъяссӧ да ыж-мӧссӧ видз-му вылӧ.

Петӧм 10:21

Господь шуис Мӧисейлы: «Лэпты китӧ енэжланьыс, и Египет му вылӧ лэччас сап пемыд, киӧн видлавны позяна пемыд».

Нав Исус 10:11

Кор найӧ израильса тышкайӧзысь пышйигӧн лэччисны Бет-Хорон керӧс вылысь, Господь шыблаліс на вылӧ енэжсянь гырысь йиа шер. Тадзи вӧлі Азека карӧдз став туй чӧжныс, и унаӧн кулісны. Унджыкыс кулісны эз израильсаяслӧн шыпурт помысь, а гырысь йиа шер улӧ веськалӧмысь.