Петӧм 9:18 - Коми Библия 2023

¹⁸ Аски тайӧ кадас Египет вылӧ Ме кисьта зэв чорыд шер. Татшӧм шерыс ӧнӧдз на эз вӧвлы Египет муын.

Петӧм 9:18 Referans Kwoze

Ӧксыяслӧн 4 небӧг 7:1

Елисей шуис: «Кывзӧй Господьлысь кывсӧ! Господь тадзи висьталӧ: ”Аски тайӧ кадас Самария карса дзиръя дорын ӧти куд тыр медбур пызьсӧ пондасны вузавны ӧти сикельысь, та донысь жӧ пондасны вузавны кык куд тыр ид пызь”».

Ӧксыяслӧн 3 небӧг 20:6

Та вӧсна аски тайӧ кадас ме мӧдӧда ассьым кесйӧгъясӧс, медым найӧ шобасны тэнсьыд керкатӧ да тэнад кесъялысьяслысь керканысӧ да босьтасны сэтысь став донаторсӧ”».

Ӧксыяслӧн 3 небӧг 19:2

Езавель мӧдӧдіс Илля дінӧ юӧртысьӧс, тшӧктіс висьтавны сылы: «[Тэ кӧ Илля, а ме Езавель, сідзкӧ] енъяс мед ёна мыждасны менӧ, ме кӧ аски тайӧ кадӧдзыс ог вӧч тэкӧд сійӧ, мый тэ вӧчин пророкъяскӧд».

Ӧксыяслӧн 4 небӧг 7:18

Енлӧн морт ӧд шуліс ӧксылы: «Аски тайӧ кадас Самария карса дзиръя дорын кык куд тыр ид пызь пондасны вузавны ӧти сикельысь, та донысь жӧ пондасны вузавны ӧти куд тыр медбур пызьсӧ».

Восьтӧм 16:21

Йӧзыс вылӧ енэжсянь киссис зэв гырысь шер, шер тусьыс сьӧктанас вӧлі комын кило мында. Йӧзыс лёкӧдісны Енсӧ тайӧ шерсьыс, ӧд тайӧ бырӧданторйыс вайис налы уна сьӧкыдлун.

Петӧм 9:17

Тэ век на паныд кыпӧдчан Менам войтырлы, он лэдз сійӧс.

Иов 37:13

Енмыс ыстӧ найӧс, медым мыждыны мусӧ, и ыстӧ, медым бурсьӧлӧмтчыны.

Иов 38:22

Пыралін-ӧ тэ лым видзанінъясӧ, аддзылін-ӧ тэ шерлысь йӧртӧдъяссӧ?

Петӧм 10:6

Тэнад керкаыд, тэныд кесъялысь йӧзлӧн да став войтырыдлӧн керкаясыс тырасны саранчаӧн. Мыйта ті оланныд тайӧ муас, ни ті, ни тіян батьясныд татшӧмторсӧ эз на аддзывны”». Сэсся Мӧисей бергӧдчис да петіс фараон дінысь.

Петӧм 10:14

Египет вылӧ уськӧдчис саранча да вевттис ставнас мусӧ. Та мындаыс некор на эз вӧвлы, и некор сэсся оз ло.

Петӧм 11:6

Египет пасьтала кутас кывны сэтшӧм ыджыд бӧрдӧм, кутшӧм эз на вӧвлы, и водзӧ сэсся оз ло.

Иов 38:23

Ме видза найӧс сьӧкыд кад кежлӧ, тышӧ петан лун кежлӧ.