Петӧм 8:9 - Коми Библия 2023

⁹ Мӧисей вочавидзис фараонлы: «Ачыд инды меным кадсӧ, кор кевмысьны тэ вӧсна, тэныд кесъялысь йӧз да став войтырыд вӧсна, медым тэ [войтырыдкӧд] да тіян керкаясныд мынінныд жабаясысь, и найӧ колисны сӧмын Нил юын».

Петӧм 8:9 Referans Kwoze

Исай 10:15

Чер ӧмӧй ошйысьӧ чернас керасьысь водзын? Пила ӧмӧй ошйысьӧ пилитчысь водзын? Бедь ӧмӧй шенасьӧ мортӧн, коді сійӧс киас кутӧ? Бедь ӧмӧй лэптӧ мортӧс, кодӧс абу пуысь вӧчӧма?

Ӧксыяслӧн 3 небӧг 18:25

Илля шуис Вааллӧн пророкъяслы: «Ті унджыкӧнӧсь, та вӧсна медводз ті бӧрйӧй ӧшсӧ да начкӧй сійӧс. Сэсся шыасьӧй асланыд ен дінӧ, но бисӧ энӧ ӧзтӧй».

Ёрдысьяс 7:2

Господь шуис Гедеонлы: «Тэнад йӧзыд вывті уна. Ме кӧ сета мадиансаясӧс налӧн киӧ, Израиль войтыр кутас ышнясьны Ме водзын да шуны, ми пӧ асьным мездім асьнымӧс.

Петӧм 8:8

Фараон корис Мӧисейӧс Ааронкӧд да шуис налы: «Кевмысьӧй Господьлы, мед Сійӧ вештас ме дінысь да менам войтыр дінысь жабаясӧс. Сэсся ме лэдза Израиль войтырӧс мунны, медым Господьлы вайны вись».

Петӧм 8:10

Фараон вочавидзис: «Аски». Мӧисей шуис: «Лоас тэнад шуӧм серти. Сэки тэ тӧдмалан, мый Господь Енным кодь мӧдыс абу.

Петӧм 7:25

Коли сизим лун сэксянь, кор Нил юысь васӧ Господь пӧртіс вирӧ.

Петӧм 8:11

Жабаяс вешъясны тэнад керкаясысь [да видз-му вылысь], тэныд кесъялысь йӧз да став войтырыд дінысь, найӧ колясны сӧмын Нил юын».

Лыд 14:20

Господь шуис Мӧисейлы: «Ме прӧстита найӧс тэнад корӧм серти.