Петӧм 7:20 - Коми Библия 2023

²⁰ Мӧисей да Аарон вӧчисны Господьлӧн тшӧктӧм серти. Аарон лэптіс бедьсӧ, фараон да сылӧн йӧзыс син водзын вачкис Нил юӧ, и ваыс пӧри вирӧ.

Петӧм 7:20 Referans Kwoze

Псалтыр 105:29

Асланыс уджъясӧн найӧ дӧзмӧдісны Господьӧс, та вӧсна найӧс суис бырӧдӧм.

Восьтӧм 8:8

Кор мӧд анделыс тутсіс трубаӧ, быттьӧ ыджыд сотчысь керӧс усис саридзас, да саридзлӧн коймӧд юкӧныс пӧри вирӧ.

Петӧм 4:9

А кыкнан индысьпасыслы кӧ оз эскыны да оз кывзыны тэнсьыд кывъястӧ, сэки гумовт Нил юысь васӧ да койышт му вылӧ, и ваыс сэні пӧрас вирӧ».

Петӧм 7:21

Юын чериыс куліс, а ваыс лои лёк дука. Египетсаяс эз вермыны юны сэтысь васӧ. Египет му пасьтала вӧлі вир.

Ӧксыяслӧн 4 небӧг 4:29

Сэки Елисей шуис Гезийлы: «Вӧнясь, босьт менсьым беддьӧс да тэрмасьӧмӧн пет туйӧ. Паныдасяс кӧ тэныд кодкӧ, сыкӧд эн чолӧмась, а сійӧ кӧ чолӧмасяс тэкӧд, эн вочавидз. Менсьым беддьӧс пукты зонкаыслы чужӧм вылас».

Аввакум 3:8

Господьӧй, Тэ пуксин Аслад вӧвъяс вылӧ, Аслад тарантасъясӧн петін, медым вермыны. Юяс вылӧ ӧмӧй Тэ скӧралан, шоръяс вылӧ ӧмӧй лӧглуныд петӧ, саридз вылӧ ӧмӧй скӧрлуныд киссьӧ?

Петӧм 7:6

Мӧисей да Аарон вӧчисны Господьлӧн тшӧктӧм серти.

Петӧм 7:10

Мӧисей да Аарон локтісны фараон [да сылӧн йӧзыс] дінӧ да ставсӧ вӧчисны сідзи, кыдзи тшӧктіс налы Господь. Аарон шыбитіс бедьсӧ фараон да сылӧн йӧзыс водзӧ, и беддьыс пӧри змейӧ.