Петӧм 7:17 - Коми Библия 2023

¹⁷ та вӧсна Господь тадзи висьталӧ: ӧні тэ тӧдмалан, мый Ме – Господь. Тайӧ бедьнас ме вачка Нил юлӧн ва веркӧсас, и ваыс пӧрас вирӧ.

Петӧм 7:17 Referans Kwoze

Петӧм 4:9

А кыкнан индысьпасыслы кӧ оз эскыны да оз кывзыны тэнсьыд кывъястӧ, сэки гумовт Нил юысь васӧ да койышт му вылӧ, и ваыс сэні пӧрас вирӧ».

Петӧм 7:5

Кор Ме лэпта киӧс Египет вылӧ да петкӧда сэтысь Израиль пиянӧс, сэки египетсаяс тӧдмаласны, мый Ме – Господь».

Петӧм 5:2

Но фараон вочавидзис: «Коді сійӧ Господьыс, медым ме кывзыси Сылысь да лэдзи Израиль войтырӧс? Ме ог тӧд Господьӧс, и Израиль войтырӧс ме ог лэдз».

Езекиль 39:28

Ме некодӧс ог коль, а ставнысӧ бӧр чукӧрта асланыс муӧ мукӧд войтыръяс пӧвстысь, кытчӧ разӧдлі найӧс. Сэки израильсаяс тӧдмаласны, мый Ме – Господь, налӧн Ен.

Езекиль 38:23

Петкӧдла Ассьым вынӧс да вежалунӧс, восьта Ачымӧс уна войтыръяслӧн син водзын. Сэки найӧ тӧдмаласны, мый Ме – Господь».

Псалтыр 9:16

Войтыръяс усисны гуӧ, кодӧс асьныс кодйисны. Налӧн кокныс шедіс налькйӧ, кодӧс асьныс пуктісны.

Восьтӧм 11:6

Тайӧ висьталысьясыслӧн эм вын тупкыны енэжсӧ, медым пророкаліганыс эз зэр. Налӧн эм вын пӧртны васӧ вирӧ да тшыкӧдны мусӧ быдпӧлӧс бырӧданторнас, кор сӧмын кӧсъясны.

Восьтӧм 8:8

Кор мӧд анделыс тутсіс трубаӧ, быттьӧ ыджыд сотчысь керӧс усис саридзас, да саридзлӧн коймӧд юкӧныс пӧри вирӧ.

Даниил 5:23

Тэ кыпӧдчин енэжвывса Господьлы паныд. Тэныд вайисны Господьлӧн крамысь босьтӧм дозмукъяс, и тэ да тэнад чина йӧзыд, гӧтыръясыд да кесйӧг-гӧтыръясыд юинныд сэтысь вина. Тэ ошкин эзысьысь да зарниысь, ыргӧнысь да кӧртысь, пуысь да изйысь вӧчӧм енъясӧс, кодъяс оз аддзыны, оз кывны да оз гӧгӧрвоны. А Енсӧ, кодлӧн киын тэнад олӧмыд да тэнад туйясыд, тэ эн ошкы.

Даниил 5:21

Сійӧс вӧтлісны йӧз дінысь, и сылӧн вежӧрыс лои пемӧслӧн кодь. Сійӧ оліс вӧлявывса осёлъяскӧд, ӧш моз сёйис турун, сылысь вир-яйсӧ кӧтӧдіс лысва. Тадзи вӧлі сыкӧд, кытчӧдз сійӧ эз гӧгӧрво, мый Медвылысса Енмыс ыджыдалӧ мувывса став йӧзыс вылын да пуктӧ ӧксыӧ, кодӧс кӧсйӧ.

Даниил 4:32

Мувывса олысьяс Сы водзын – нинӧм кодьӧсь. Енэжвыв тышкакотыръяскӧд да мувывса олысьяскӧд Сійӧ вӧчӧ, кыдзи кӧсйӧ. Некод оз вермы кутны Сылысь кисӧ да шуны: ”Мый Тэ вӧчан?”

Даниил 4:17

Тэ аддзылін пу, коді вӧлі ыджыд да ён, йывнас сійӧ инмис енэжӧдзыс, тыдаліс му помӧдзыс.

Езекиль 32:15

Ме вӧча Египет муӧс овтӧминӧн, и сійӧс ставнас лоӧ куштӧма. Кор Ме бырӧда сэтысь став олысьсӧ, сэки найӧ тӧдмаласны, мый Ме – Господь.

Езекиль 30:19

Тадзи Ме мыжда Египет войтырӧс. Сэки найӧ тӧдмаласны, мый Ме – Господь».

Езекиль 30:8

Кор Ме биӧн сота Египетӧс да пасьварта сылы отсасьысьясӧс, сэки египетсаяс тӧдмаласны, мый Ме – Господь.

Езекиль 29:9

Египет му лоӧ овтӧминӧн, пазӧдӧм муӧн. Сэки египетсаяс тӧдмаласны, мый Ме – Господь. Египет, тэ шуан, юыс пӧ менам, ме пӧ сійӧс вӧчи.

Псалтыр 105:29

Асланыс уджъясӧн найӧ дӧзмӧдісны Господьӧс, та вӧсна найӧс суис бырӧдӧм.

Ӧксыяслӧн 4 небӧг 19:19

Ӧні, Господьӧй, миян Енмӧй, мезды миянӧс Сеннахирим киысь. Мувывса став войтыръяс мед тӧдмаласны, мый Тэ, Господьӧй, ӧти Ен».

Ӧксыяслӧн 3 небӧг 20:28

Сэки израильса ӧксы дінӧ матыстчис Енлӧн морт да шуис: «Господь тадзи висьталӧ: ”Арамейяс шуӧны, Господь пӧ керӧсъяслӧн ен, абу ковтыслӧн ен. Та вӧсна Ме сета налысь уна лыда тышкайӧзсӧ тэнад киӧ. Сэки ті тӧдмаланныд, мый Ме – Господь”».

Петӧм 6:7

Ті лоанныд Менам войтырӧн, а Ме – тіян Енмӧн. Ті тӧдмаланныд, мый Ме – Господь, тіян Енныд, коді петкӧдіс тіянӧс египетсалӧн нартитӧм улысь.

Петӧм 1:22

Аслас войтырлы фараон тшӧктіс: «Еврейяслысь став пузчужӧм пи кагасӧ шыблалӧй Нил юӧ, а нывъяссӧ ловйӧн кольӧй».

Петӧм 7:20

Мӧисей да Аарон вӧчисны Господьлӧн тшӧктӧм серти. Аарон лэптіс бедьсӧ, фараон да сылӧн йӧзыс син водзын вачкис Нил юӧ, и ваыс пӧри вирӧ.

Петӧм 10:2

медым аслад пияныдлы да налӧн пияныслы тэ висьталін, кутшӧм ногӧн Ме янӧді египетсаясӧс да кутшӧм индысьпасъяс петкӧдлі налы. Сэки ті тӧдмаланныд, мый Ме – Господь».

Езекиль 25:17

Ме чорыда водзӧс перъя налысь, скӧрпырысь мыжда найӧс. И кор Ме вӧча тадзи, найӧ тӧдмаласны, мый Ме – Господь».

Езекиль 32:6

Мусӧ юктала тэнад вирӧн – керӧсъяс вирӧссясны, сёртасъяс тырасны вирӧн.