Biblia Todo Logo
Bib sou entènèt

- Piblisite -




Петӧм 7:11 - Коми Библия 2023

11 Фараон корис египетса тӧдысьясӧс да тунъясӧс. Асланыс кимӧститчӧмӧн найӧ вӧчисны тадзи жӧ.

Gade chapit la Kopi




Петӧм 7:11
25 Referans Kwoze  

Египетса тунъяс кимӧститчӧмӧн вӧчисны сійӧ жӧ, мый вӧчисны Мӧисей да Аарон. Фараонлӧн сьӧлӧмыс чорзис, сійӧ эз кут кывзыны Мӧисейӧс да Ааронӧс. Та йылысь водзвыв висьтавліс Господь.


Кыдзи коркӧ Янний да Ямрий паныд сувтісны Мӧисейлы, ӧні тайӧ йӧзыс паныд сувтӧны збыльыслы. Налӧн вежӧрыс торксьӧма, эскӧмныс пасьмунӧма.


Тунъяс кимӧститчӧмнас тшӧтш кӧсйисны тадзи вӧчны, но налӧн эз артмы. Кор гебйыс сапкысьӧма вӧлі йӧз да ыж-мӧс вылӧ,


Египетса тунъяс кимӧститчӧмнас тшӧтш петкӧдісны Египет му вылӧ жабаясӧс.


Паныд сувтысьыс локтас сӧтанасянь. Ыджыд вынӧн сійӧ кутас петкӧдлыны индысьпасъяс да вӧчны ылӧг шензьӧданаторъяс.


Ӧксы тшӧктіс корны туналысьясӧс, кимӧститчысьясӧс, тшыкӧдчысьясӧс да калдеяса мывкыд йӧзӧс, медым найӧ гӧгӧрвоӧдісны сылысь вӧтъяссӧ. Найӧ локтісны да сувтісны ӧксы водзӧ.


Асывнас фараон пондіс майшасьны. Сійӧ корис египетса тӧдысьясӧс да мывкыда йӧзӧс и висьталіс налы ассьыс вӧтсӧ. Но некод эз куж гӧгӧрвоӧдны фараонлысь вӧтсӧ.


Сідзкӧ, миянлы оз нин ков ылавны кагаяс моз быдпӧлӧс тӧвйыв велӧдӧмӧ. Ӧд татшӧм велӧдӧмыс петӧ наян да ылӧдчысь йӧзсянь.


Ӧксы гораа горӧдіс, медым вайӧдісны сы дінӧ кимӧститчысьясӧс, калдеяса мывкыд йӧзӧс да пемӧс мускӧн тунасьысьясӧс. Сійӧ шуис вавилонса тӧдысь-туналысьяслы: «Коді лыддяс да гӧгӧрвоӧдас стенмӧ гижӧмасӧ, сійӧс пасьтӧдасны пемыдгӧрд паськӧмӧ, сьыліас ӧшӧдасны зарни чеп, и сійӧ лоӧ менам муын чин серти коймӧд юралысьӧн».


Ті, галатса эскысьяс, дзикӧдз вежӧртӧ воштӧмныд! Коді тіянлысь синнытӧ пӧртіс, мый энӧ кывзысьӧй збыльыслысь? Ӧд тіян син водзын, позьӧ шуны, вӧлі тувъялӧма Исус Кристосӧс.


Ӧд ылӧгкристосъяс да ылӧгпророкъяс локтасны да пондасны вӧчны ыджыд шензьӧданаторъяс, медым ылӧдны, позяс кӧ, весиг бӧрйӧмаясӧс.


Тэнад муын олӧ морт, код пытшкын вежа Енлӧн Лолыс. Тэнад батьыдлӧн веськӧдлан кадӧ на аддзисны, мый сы пытшкын эм сюсьлун, вежӧрлун да енъяслӧн кодь мывкыдлун. Навукодоносор ӧксы, тэнад батьыд, пуктіс сійӧс туналысьяс, кимӧститчысьяс, калдеяса мывкыд йӧз да пемӧс мускӧн тунасьысьяс вылын ыджыдӧн.


Даниил вочавидзис ӧксылы: «Тайӧ гусяторсӧ, мый йылысь ӧксы юасьӧ, оз вермы восьтны ни тӧдысь, ни кимӧститчысь, ни туналысь, ни пемӧс мускӧн тунасьысь.


Зверӧс да сы нимсянь шензьӧданаторъяс вӧчысь ылӧгпророкӧс вӧлі кутӧма. Шензьӧданаторъяснас ылӧгпророкыс ылӧдліс найӧс, кодъяс босьтісны зверлысь пассӧ да копрасисны сылӧн серпаслы. Зверӧс да ылӧгпророкӧс ловйӧн вӧлі шыбитӧма биӧн да тэгйӧн сотчысь тыӧ,


Но найӧ оз кутны дыр нимавны, Мӧисейлы паныд сувтысьяслӧн моз налӧн йӧйталӧмыс тыдовтчас.


Быдӧн на пиысь шыбитіс ассьыс бедьсӧ, и бедьясныс пӧрины змейясӧ, но Ааронлӧн беддьыс ньылыштіс найӧс.


Филистимсаяс корисны попъясӧс, тунъясӧс [да тӧдысьясӧс] да юалісны: «Мый миянлы вӧчны Господьлӧн куднас? Висьталӧй, кыдзи сійӧс бӧр мӧдӧдны?»


шуи: ”Белтешацар, тэ туналысьяс вылын ыджыдыс. Ме тӧда, мый тэ пытшкын вежа Енлӧн Лолыс, и тэ верман восьтны гусяторъяс. Гӧгӧрвоӧд меным вӧтӧс.


Нил юыд тырас жабаясӧн, найӧ петасны сэтысь да пырасны керкаад, узьланінад, каясны вольпась вылад. Тэныд кесъялысь йӧзлӧн да став войтырыдлӧн керкаясыс тырасны жабаясӧн. Жабаяс лоӧны весиг пач пытшканыд да нянь шомӧсаныд.


Swiv nou:

Piblisite


Piblisite