Петӧм 6:6 - Коми Библия 2023

⁶ Висьтав Израиль пиянлы: Ме – Господь. Ме чорыда мыжда Египет войтырӧс, а тіянӧс петкӧда налӧн нартитӧм улысь. Ме нюжӧда киӧс да мезда тіянӧс.

Петӧм 6:6 Referans Kwoze

Индӧд 26:8

Господь петкӧдіс миянӧс Египетысь [Аслас ыджыд вынйӧрнас,] Ассьыс вына кисӧ да ён сойсӧ лэптӧмӧн, чорыда повзьӧдлӧмӧн, шензьӧданаторъяс да индысьпасъяс вӧчӧмӧн.

1 Каднебӧг 17:21

Енмӧй, сюрас-ӧ Тэнад Израиль войтыр кодь мӧдыс? Му вылас олысь войтыръясысь сӧмын на дінӧ Тэ локтін. Локтін, медым мездыны найӧс да вӧчны Аслад войтырӧн, ыдждӧдлыны Ассьыд нимтӧ ыджыд да повзьӧдана уджъяс пыр – Тэ мездін Ассьыд войтыртӧ Египетысь, вӧтлін на водзысь мукӧд войтыръясӧс.

Индӧд 7:8

Господь бӧрйис тіянӧс сы вӧсна, мый радейтӧ тіянӧс да вӧчӧ тіян батьяслы кыв сетӧмыс серти. Та вӧсна Господь вына кинас [да ён сойнас] мездіс тіянӧс фараонлӧн, египетса ӧксылӧн, нартитӧм улысь.

Петӧм 7:4

Фараон оз кывзы тіянӧс. Сэки Ме лэпта киӧс Египет му вылӧ да чорыда мыжда сійӧс, а Израиль войтырӧс, Ассьым тышкайӧзӧс, Ме петкӧда сэтысь.

Неемий 1:10

Господьӧй, найӧ ӧд Тэнад кесйӧгъяс, найӧ – Тэнад войтыр. Тэ мездін найӧс Аслад ыджыд вынйӧрӧн да вына киӧн.

Псалтыр 81:6

Ме шуи, мый ті – енъяс, Медвылыссалӧн пиян,

Индӧд 15:15

Тӧд, мый тэ [тшӧтш] вӧлін кесйӧг туйын Египет муын, и Господь, тэнад Енмыд, мездіс тэнӧ нартитӧм улысь. Та вӧсна талун ме тшӧкта тэныд тадзисӧ вӧчны.

Петӧм 15:13

Аслад буралӧмнад Тэ нуӧдін войтыртӧ, кодӧс Тэ мездін, Аслад вынӧн Тэ нуӧдан найӧс вежа оланінад.

Петӧм 3:17

Ме шуи, мый Ме мезда тіянӧс египетсаяслӧн дзескӧдӧмысь да петкӧда ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ, кӧні визувтӧ йӧв да ма”.

Ӧксыяслӧн 4 небӧг 17:36

Но полӧй Господьысь, коді ыджыд выннас да вына кисӧ лэптӧмӧн петкӧдіс тіянӧс Египет муысь. Сӧмын Сылы юрбитӧй да висьяснытӧ вайӧй.

Индӧд 4:23

Видзчысьӧй, медым энӧ вунӧдӧй асланыд Господь Енлысь йитӧдсӧ, мый Сійӧ кӧрталіс тіянкӧд, да энӧ вӧчӧй аслыныд некутшӧм бӧлбанӧс да серпасалӧм идолӧс. Та йылысь ӧлӧдіс тіянӧс Господь, тіян Енныд.

Исай 9:21

Манассей – Ефремӧс, Ефрем – Манассейӧс, а ӧтвылысь найӧ – Иудаӧс. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Петӧм 6:29

«Ме – Господь. Висьтав фараонлы, египетса ӧксылы, ставсӧ, мый Ме висьтала тэныд».

Петӧм 6:8

Ме нуӧда тіянӧс муӧ, мый киӧс лэптӧмӧн кӧсйыси сетны Ӧвраамлы, Исааклы да Яковлы. Ме сета сійӧс тіянлы, ӧд Ме – Господь».

Петӧм 6:2

Ен шуис Мӧисейлы: «Ме – Господь.

Исай 9:12

Асыввывсянь локтісны арамейяс, рытыввывсянь – филистимсаяс, найӧ жалиттӧг бырӧдісны Израиль войтырӧс. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Исай 9:17

Господь оз нимкодясь налӧн том йӧз вӧсна, налӧн батьтӧм-мамтӧм челядь дінӧ да дӧваяс дінӧ Сійӧ оз бурав, ӧд найӧ ставныс ылӧдчысьяс да лёк вӧчысьяс, налӧн вомысь петӧ сӧмын пеж сёрни. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Ап. уджъяс 13:17

Израиль войтырлӧн Ен бӧрйис миянлысь батьяснымӧс, рӧдмӧдіс тайӧ войтырсӧ Египет муын да вына кинас петкӧдіс найӧс сэтысь.

Петӧм 1:11

Египетсаяс сувтӧдісны израильсаяслӧн удж бӧрся видзӧдысьясӧс, медым сьӧкыд уджнас топӧдны найӧс. Израильсаяс лэптісны фараонлы Питом да Рамсес каръяс, медым сэні видзны нянь. [Лэптісны тшӧтш Он кар, мӧд ногӧн кӧ, Илиополь.]

Петӧм 2:11

Коли кад. Мӧисей верстяммис. Ӧтчыд сійӧ локтіс еврей вокъяс дінӧ да аддзис налысь сьӧкыда уджалӧмсӧ. Мӧисейлы син улас уси, кыдзи египетса морт нӧйтӧ еврейӧс.

Петӧм 12:41

Нёльсё комын во тыран лунӧ войнас Господьлӧн став войтырыс тышкайӧз моз петіс Египетысь.

Петӧм 12:51

Дзик сійӧ лунӧ Господь петкӧдіс Египетысь Израиль пиянӧс тышкайӧзӧс моз.

Петӧм 13:3

Мӧисей шуис войтырыслы: «Энӧ вунӧдӧй сійӧ лунсӧ, кор Господь вына кинас петкӧдіс тіянӧс Египетысь, и ті мынінныд нартитӧм улысь. Тайӧ лунӧ энӧ сёйӧй шоммӧдӧм нянь.

Петӧм 13:14

Тэнад пиыд кӧ юалас, мыйла тэ тадзи вӧчан, висьтав сылы: ”Аслас вына кинас Господь петкӧдіс миянӧс Египет муысь нартитӧм улысь.

Петӧм 16:6

Мӧисей да Аарон шуисны Израиль войтырлы: «Рытнас ті тӧдмаланныд, мый Господь петкӧдіс тіянӧс Египет муысь,

Петӧм 18:1

Мадианса Иофор поплы, Мӧисейлӧн тесьтыслы, кывсис, мый Енмыс вӧчӧма Мӧисейлы да Аслас Израиль войтырлы, мый Господь петкӧдӧма Израиль войтырӧс Египетысь.

Индӧд 4:34

Некутшӧм ен эз торйӧд аслыс войтыр мукӧд войтыр пӧвстысь чорыд мыждӧмъясӧн, шензьӧданаторъяс да индысьпасъяс вӧчӧмӧн, тыш отсӧгӧн, вына кисӧ да ён сойсӧ лэптӧмӧн, ыджыдсьыс-ыджыд повзьӧданаторъяс вӧчӧмӧн. Но Египетын ті аддзылінныд, мый тадзи вӧчис Господь, тіян Енныд.

Индӧд 5:15

Эн вунӧд, мый Египетын тэ ачыд вӧлін кесйӧг туйын, но Господь, тэнад Енмыд, петкӧдіс тэнӧ сэтысь Ассьыс вына кисӧ да ён сойсӧ лэптӧмӧн. Та вӧсна Господь, тэнад Енмыд, тшӧктіс видзны шойччан лунсӧ [мед сійӧ лоас тэныд вежа].

Индӧд 6:12

видзчысьӧй, медым [сьӧлӧмныд эз ылав да] ті энӧ вунӧдӧй Господьӧс, коді петкӧдіс тіянӧс Египет муысь нартитӧм улысь.

Еремей 21:5

Ме Ачым понда тышкасьны тіянлы паныд вына киӧс кыпӧдӧмӧн, скӧрлунӧн, ярлунӧн да ыджыд лӧглунӧн.

Еремей 32:21

Тэ петкӧдін Ассьыд Израиль войтыртӧ Египет муысь шензьӧданаторъяс да индысьпасъяс вӧчӧмӧн, Ассьыд вына китӧ нюжӧдӧмӧн да ёна повзьӧдлӧмӧн.

Петӧм 3:8

Та вӧсна Ме локті мездыны найӧс египетсаяслӧн кипод улысь. Ме петкӧда найӧс сійӧ мусьыс да нуӧда бур паськыд муӧ, кӧні визувтӧ йӧв да ма, – ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ.

Петӧм 7:5

Кор Ме лэпта киӧс Египет вылӧ да петкӧда сэтысь Израиль пиянӧс, сэки египетсаяс тӧдмаласны, мый Ме – Господь».

Петӧм 13:16

Мед тайӧ тшӧктӧмыс лоас ки вылад да плешкад пуктӧм пас кодь, ӧд Господь Аслас вына кинас петкӧдіс миянӧс Египет муысь».

Петӧм 32:11

Но Мӧисей кевмысьӧмӧн шыасис аслас Господь Ен дінӧ: «Господьӧй, эн ӧзты Ассьыд скӧрлунтӧ Аслад войтырыд вылӧ, кодӧс Тэ ыджыд вынйӧрӧн да вына киӧн петкӧдін Египет муысь.

Индӧд 7:19

Тайӧ чорыда мыждӧмсӧ, [ыджыд] индысьпасъяссӧ да шензьӧданаторъяссӧ ті асланыд синмӧн аддзылінныд. Энӧ вунӧдӧй, кыдзи Господь, тіян Енныд, петкӧдіс тіянӧс Египетысь Ассьыс вына кисӧ да ён сойсӧ лэптӧмӧн. Войтыръяслы, кодъясысь ті поланныд, Господь, тіян Енныд, вӧчас сійӧ жӧ, мый вӧчис египетсаяслы.

Индӧд 9:29

Но ӧд тайӧ войтырыс – Тэнад войтырыд, кодӧс Тэ петкӧдін Египет муысь Аслад ыджыд выннад да Ассьыд вына китӧ лэптӧмӧн”».

Индӧд 11:2

Ныв-пиныд эз тӧдлыны да эз аддзывны тіян Господь Енлысь мыждӧмсӧ, эз аддзывны Сылысь ыджыд вынйӧрсӧ, Сылысь вына кисӧ да ён сойсӧ,

Псалтыр 77:16

Сійӧ сетіс валы ыльӧбтыны изкыртаысь, и ваыс визувтіс ю моз.

Псалтыр 81:7

но мувывса йӧз моз ті куланныд, ӧксыяс моз усянныд».

Еремей 27:5

мый Аслам ыджыд вынӧн да нюжӧдӧм киӧн Ме вӧчи мусӧ, йӧзӧс да мувывса пемӧсъясӧс и сета найӧс кодлы кӧсъя.

Езекиль 20:33

Ме Ачым кыв сетӧмӧн шуа, – висьталӧ Господь Ыджыдыс, – мый Ме кута ӧксыавны скӧрлунӧн, Ассьым вына киӧс да ён сойӧс лэптӧмӧн.